«Арыллыы» кыбытык тигии түмсүүтэ Өксөкүлээх Өлөксөйгө анаммыт үлэни сүрэхтээтэ

Муус устар 8 күнүгэр Дьокуускай куоракка Пушкин аатынан бибилэтиэкэ историческай саалатыгар «Арыллыы» кыбытык тигии түмсүүтэ өссө биир үлэтин сүрэхтээтэ.

«KULAKUOSKAJ. ӨKSӨКYLEEQ ӨLӨKSӨJ» диэн Алексей Елисеевич Кулаковскайга — Өксөкүлээх Өлөксөйгө анаан ааптар Аммос Давыдов  уонна кыбытан тигии сүрүн үлэтин оҥорбут Евдокия Анисимова киэҥ эйгэҕэ көрдөрдүлэр.

«Арыллыы» түмсүү 2017 сыллаахтан тэриллэн үлэлиир. Өксөкүлээх Өлөксөй научнай үлэтинэн Аммос Давыдов эскииһинэн «Оҕо кутун таттарыы» диэн бастакы үлэлэрэ буолар. Иккис үлэлэрэ — «Дьөһөгөй Айыы» диэн үөрүүлээх сонунун үллэстэр түмсүү салайааччыта Федорова Галина Дмитриевна.

«Үтүө холобур буолаҥҥыт — үүнэр көлүөнэ ыччакка улуу дьоммут аатын үйэтитэн, алгыстаах үлэҕит арылла турдун. Тулуурдаах сыраҕат сыаналанан, дьону-сэргэни кэрэҕэ угуттаан — Аан Дойдуну тэлэһийдин. Талааннаах биир дойдулаахтарбытыгар итии-истиҥ эҕэрдэ, махтал! », — диэн суруйар Ньурба улууһун пресс-сулууспата.