Хаартыска Егор Карпов түһэриитэ
Чурапчы Арыылааҕар СӨ Бырабыыталыстыбатын 2022 сыллааҕы үлэтин отчуотун истэн баран, бастакынан тыл ылбыт Анна Петрова “Сахалыы үчүгэйдик саҥарар эбиккин!”, — диэн отчуоттуур бөлөх салайааччытын тыа хаһаайыстыбатын миниистирэ Александр Атласовы хайҕаата.
«Сахалыы кыайан саҥарбат буолуу бу улахан кыһалҕа, төрөөбүт тылбытын араастаан киртитэн саҥарабыт. Оҕолорбут олох даҕаны тылларын умнар кутталланнылар!«, — диэн санаатын эттэ. Манна хоруйдууругар Александр Павлович итинник кыһалҕа баарын билиннэ, ол эрэн үлэ барарын, араас хайысхаҕа миэрэлэр ылыллыбыттарын кэпсээтэ. Биир холобурунан Саха НКИК нууччалыы мультик-киинэлэри атыылаһан сахалыы тылбаастаан тарҕатарын оҕолор биһирээн көрөллөрүн эттэ.
Арыылаахха сүрүн кыһалҕанан саҥа оскуола тутуута буолар. Нэһилиэк хаһыс да сылын саҥа оскуола тутуутун туруорсар. Билигин 3060 миэстэлээх уһуйааннаах оскуола бырайыага оҥоһуллан бэлэм сытар, өрөспүүбүлүкэҕэ бигэргэммит, федеральнай таһымҥа сөбүлэниигэ барбыт.
Хас даҕаны киһи Арыылаах таҥара дьиэтэ сууллар кутталламмытын туһунан эттэ. “Сыл аайы иҥнэри баран иһэр, онон сууллар кутталлаах. Онон өрөмүөн ыытыллара суһаллык ирдэнэр”, — диэн былыргы тутуу дьылҕатын быһаарарга көрдөстүлэр.
Фермер Дмитрий Захаров “Туймаада” агрохолдинг, “Саюри” кыһыннары оҕуруот аһын олордор тэрилтэ хайдах быһыылаахтык үбүлүнэллэрин, туохтан барыс кэллэринэллэрин туоһуласта. Чурапчыга итинник тэрилтэлэр аһыллар кыахтаахтарын сөбүн туһунан ыйыталаста.
Маны таһынан Чурапчы биир саамай тэйиччи сытар нэһилиэгин олохтоохторо суол оҥоһуутун туруорустулар. Үгүс этиллибит кыһалҕалар атын нэһилиэктэргэ баар боппуруостары кытта дьүөрэлэһэр. Ол курдук, cүөһүнү, сылгыны иитиигэ көмө, быһыты сөргүтээһин, уматык сыаната ыарахана, уо.да.а.
Мунньах кэнниттэн дэлэгээссийэ хаарбах дьиэттэн көһөрүү чэрчитинэн тутуллубут толору хааччыллыылаах сэттэ кыбартыыралаах дьиэ үөрүүлээх аһыллыытыгар кыттыыны ыллылар. Арыылаахха кэлэр сылга өссө биир маннык дьиэ тутуллан үлэҕэ киириэхтээх. Саҥа дьиэлэр баар буолбуттара эдэр исписэлиистэр кэлэн олохсуйалларыгар улахан көмөлөөх буолуо диэн олохтоох дьаһалта эрэлин биллэрдэ.
Горнай оройуонугар ДПС иниспиэктэрдэрэ кыһыҥҥы тымныыга массыыната алдьаммыт суоппарга көмөлөстүлэр. Бу туһунан ИДьМ пресс-сулууспата иһитиннэрдэ. …
Эдьигээн оройуонугар суол саахалыгар икки киһи эмсэҕэлээтэ. Бу туһунан Госавтоиниспиэксийэ иһитиннэрдэ. Ахсынньы 22 күнүгэр …
Бүгүн, ахсынньы 25 күнүгэр, өрөспүүбүлүкэ хоту, соҕуруу өттүгэр кыралаан хаардыаҕа. Соҕуруулуу-илин хаар сөбүгэр түһүөҕэ. Киин,…
Бүгүн, ахсынньы 25 күнүгэр, Дьокуускайга 1-8 кылаас үөрэнээччилэригэр актированнай күн биллэрилиннэ. Бу туһунан Дьокуускай куорат…
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…