«Ас-үөл-2024» быыстапка-дьаарбаҥкаттан киирбит харчы сорҕото байыастарга көмөҕө барыа

«Ас-үөл-2024» быыстапка-дьаарбаҥкаҕа төлөбүр быһыытынан киирбит харчы сорҕото байыаннай дьайыы кыттыылаахтарын өйөөһүҥҥэ барыаҕа диэн СӨ Баһылыгын уонна Бырабыыталыстыбатын дьаһалтатын пресс-сулууспата иһитиннэрэр.

Өрөспүүбүлүкэ тыатын хаһаайыстыбатын уонна аска-үөлгэ бэлиитикэтин министиэристибэтэ иһитиннэрбитинэн, тэрээһин оператора –«Якутские продукции» тыа хаһаайыстыбатын оҥорон таһаарар тэрилтэтэ байыаннай дьайыыга 150 тыһ. солк. ыытыаҕа.

Быйыл өрөспүүбүлүкэ 12 муниципальнай оройуонуттан уонна Дьокуускай куораттан 80-тан тахса тэрилтэ уонна 16 агро-оскуола бэйэлэрин бородууксуйаларын аҕалан атыылаатылар. Кинилэр биэс күн иһигэр 300-тэн тахса туонна бородууксуйаны атыылаатылар.

«Ас-үөл-2024» 25-с өрөспүүбүлүкэтээҕи аһы-үөлү оҥорон таһаарар быыстапка-дьаарбаҥка быйыл Саха автономиятын тэрийээччилэртэн биирдэстэрэ, 1932-1937 сылларга Саха АССР сир оҥоһуутун народнай комиссара Степан Максимович Аржаков төрөөбүтэ 125 сылыгар ананна.