Хаартыска:Т.Обулахова
Үгэс буолбут быыстапка-дьаарбаҥка үөрүүлээх аһыллыытын алгыһыгар киһи бөҕө тоҕуоруста. «Уруй-туску» этилиннэ. «Сандал» ансаамбыл сиэрин ситэрэн үҥкүүтүн бэлэхтээтэ.
СӨ Бырабыыталыстыбатын Бэрэссэдээтэлин солбуйааччы Сергей Местников атыы-эргиэн түһүлгэтэ үгэскэ кубулуйбутун бэлиэтээтэ. «Тыа киһитэ сарсыарда хараҕын хайа тардыаҕыттан тыа хаһаайыстыбатыгар үлэлээн, бородууксуйа ыларга кыһанар»,
— диэтэ. Тыа хаһаайыстыбатын салаалара баалларын тухары этэҥҥэ олоруохпут, норуоппут баай култуурата баар буолуоҕа диэн эрэлин биллэрдэ. Сергей Васильевич оҥоһуллар бородууксуйа хаачыстыбата тупсан иһэрин бэлиэтээн, өрүү бу тыа хаһаайыстыбатын өйүү туруохпут диэн эрэннэрдэ. Уонна Көһө сылдьар өйдөбүнньүк знамятын өрөспүүбүлүкэ Тыатын хаһаайыстыбатын миниистиригэр Артем Александровка туттарда. Быыстапка түмүгүнэн бу знамя саамай бастыҥ тэрилтэҕэ тиксиэҕэ.
Ол кэнниттэн С.В.Местников тыа хаһаайыстыбатын бастыҥ үлэһиттэри наҕараадалаата. Ол курдук, Прокопий Белолюбскай, Ион Кононов, Лилия Шестакова, Михаил Алексеев, Галина Лебедева уо.д.а. ыллылар.
Ил Түмэн норуодунай дьокутаата Александр Атласов 2025 сылга бу дьаарбаҥка 26 сылын ыытылларын, биэс күн буоларын бэлиэтээтэ. Кини өрөспүүлүкэҕэ тыа хаһаайыстыбатыгар 30 сокуон этэҥҥэ үлэлиирин эттэ. Быйыл бурдук үүнүүтэ үчүгэйин бэлиэтээн туран, истиҥ эҕэрдэтин тириэртэ. Людмила Коколованы, Егор Михайловы уо.д.а наҕараадалаата.
Салгыы куорат ыалдьыттарын «Дархан» бөлөх ураты толоруутунан сэргэхситтэ.
Тыа хаһаайыстыбатын миниистирэ Артем Александров тэриллиилээх хаһаайыстыбалар үлэһиттэрин, ыалдьыттары дьаарбаҥка арыллыбытынан эҕэрдэлээтэ. Тыа сириттэн 40-ча хаһаайыстыба кэлбитин туһунан эттэ уонна маннык дьаарбаҥкалар улуустарга эмиэ буола туралларын аҕынна. Өссө агро-оскуолалар, улахан хаһаайыстыбалар сарсын кэлиэхтэрэ диэтэ. 1 гааттан 15 цн туораахтаах култуураны хомуйуу курдук үчүгэй көрдөрүүлэр баалларын туһунан эттэ. Өссө ипподромҥа ат сүүрдүүтэ буоларыгар ыҥырда. Бу күннэргэ хаһаас аскытын атыылаһыҥ диэн сүбэлээтэ. Салгыы кини Максим Харлампьевы, Капитолина Юрченкованы, Анна Тупринаны, Айталина Ильинаны, Виктория Лукачевскаяны, Павел Семеновы, Юрий Сивцевы эҕэрдэлээтэ.
АККОР бэрэсидьиэнэ Александр Артемьев элбэх түбүктээх үлэ түмүгүн — быйаҥы атыылаһыҥ диэн сүбэлээтэ. Кини Марк Лихановка үрдүк наҕарааданы үөрүүлээх быһыыга туттарда.
Бу күнү Сатурн планета салайар, ол иһин биһигиттэн бэрээдэги, эппиэтинэһи уонна тулууру ирдиир. Күн-дьыл бытааннык…
Бүгүн, сэтинньи 15 күнүгэр, Саха сирин сорох улуустарыгар -43 кыраадыс буолара күүтүллэр диэн Саха сиринээҕи…
СӨ Ньурбатааҕы оройуонун суутун быһаарыытынан борокуруор этиитэ толорулунна. Ол курдук, Ньурба куорат дьаһалтата сөптөөх үлэни…
Ньиэп сыаната хамсаабытын үрдүнэн, уматык сыаната уонча сылы быһа тохтоло суох үрдээн иһэр, онон уматыгы…
Өрөспүүбүлүкэ үбүн миниистирин эбээһинэһин толорооччу Иван Алексеев «Актуальное интервью» биэриигэ тыа хаһаайыстыбатыгар үбүлээһин суумата, бастакы…
Кэбээйи оройуонун суутун уурааҕынан Сангаар олохтооҕо Административнай быраабы кэһии туһунан кодексатын 6.1.1 ыстатыйатыгар көрүллүбүт административнай…