Хаартыска: sakha gov.ru
2025 сыл балаҕан ыйын 1 күнүттэн үрдүк үөрэхтэр, кэллиэстэр, училищелар, техникумнар, эбии идэни биэрэр тэрилтэлэр уонна билим тэрилтэлэрин устудьуоннарыгар, аспираннарыгар — устудьуон ийэлэргэ босуобуйалара улаатта.
АСП (Арассыыйатааҕы социальнай пуонда) Саха сиринээҕи салаата күнүскү үөрэххэ үөрэнэр 60 хат устудьуоҥҥа үрдээбит босуобуйалары туттарбыта.
«Урут хат устудьуоннарга босуобуйалара үөрэнэр сирдэринэн төлөнөр этэ, суумата истипиэндьийэ сууматыттан тутулуктааҕа. Билигин АСП салаата босуобуйа кээмэйин эрэгийиэҥҥэ үлэлиир саастаах нэһилиэнньэ тиийинэн олорор алын кээмэйигэр олоҕуран ааҕар. Ол 2025 сылга Саха сиригэр бастакы зонаҕа 34 149 солк., иккис зонаҕа 28 603 солк тэҥнэстэ. Онон оҕолонорун кэтэһэр устудьуон кыыс 140 хонуктаах декретнай уоппускатын суумата кырата 133 480 солкуобай буолуоҕа», — диэн АСП Саха сиринээҕи салаатын управляющайа Марина Герман алтынньы 28 күнүгэр иһитиннэрдэ.
Төрөөһүн ыараханнык ааспыт түгэнигэр, уоппуска 156 күннээх буоллаҕына, бастакы зонаҕа төлөбүр суумата 177574,80 солкуобайга, иккис зонаҕа 148735,60 солкуобайга тиийиэҕэ. Игирэ оҕону күүтэр ийэ уоппускатын күнэ 194 хонуктаах буоллаҕына, босуобуйатын суумата зоналарынан — 220 830,20 солк. уонна 184 966,07 солк.
Төлөбүрү ыларга сайабылыанньаны декретнай уоппуска бүппүтүн кэннэ алта ый иһигэр «Госөҥөлөр» портал нөҥүө Арассыыйа социальнай пуондатын Саха сиринээҕи клиеннэри өйүүр сулууспатыгар эбэтэр элбэх хайысханы толорор кииҥҥэ (МФЦ) биэриэххэ сөп.
Сайабылыанньаҕа күнүскү үөрэххэ үөрэнэрин бигэргэтэр докумуоннар, ону тэҥэ үлэлээбэт кэмин туһунан ыспыраапка сыһыарыллыахтаах, ону 10 үлэ күнүн иһигэр клиеннэри хааччыйар отделга тус бэйэтэ туттарыахтаах. Уоппуска кэмин барытын хабан босуобуйа тута төлөнөр.
Сиһилии: https://www.sakha.gov.ru/news/14510
Оҕолоох ыалларга төлөбүр туһунан сиһилии биир кэлим контакт-кииҥҥэ 8 800 100 0001 нүөмэргэ эрийэн чуолкайдаһыаххытын сөп (босхо), диэн иһитиннэрэр Ил Дархан пресс-сулууспата.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…