Хаартыска: sakha.gov.ru
Саха сирин Опера уонна балет судаарыстыбаннай тыйаатыра «Астана Балет» сыанатыгар икки балеты «Геометрия движения» уонна «Сияющий камень» премьератын Екатерина Тайшина сүрүн балетмейстерын туруоруутугар билиһиннэрдэ.
Аныгы хореография киэһэтэ Казахстааҥҥа Саха сирин күннэрин чэрчитинэн ыытылынна. Бастакы күн көрөөччүлэр неоклассическай «Геометрия движения» балеты көрдүлэр.Иккис күн «Сияющий камень» көрдөрүллүбүт этно-балет Саха сирин Опера уонна балет уонна Олоҥхо тыйаатырдарын холбоһуктаах бырайыагынан буолар. Артыыстар маастарыстыбаларын көрөөччүлэр ытыс тыаһынан үрдүктүк сыаналаатылар.
«Саха сирин култууратын Казахстааҥҥа көрөр-истэр бэрт дьикти. Бу олус интэриэһинэй уопут. Биһиги этностарбыт, ол иһигэр муусукаҕа, ускуустубаҕа майгыннаһар эбиттэр уонна дьүөрэлэһэр кыахтаахтарын ордук сөбүлээтим. Бу киэһэ балеты дьиҥнээхтик астынным. Маннык тэрээһиннэр өссө ыытыллар буоллахтарына, мин хайаатар да кэлиэҕим», — диэн Асия Казакбаева санаатын үллэһиннэ.
Д.К. Сивцев- Суорун Омоллоон аатынан Опера уонна балет судаарыстыбаннай тыйаатырын испэктээктэрэ Казахстааҥҥа уонна Кыргызстааҥҥа РФ Култууратын министиэристибэтин Бүтүн Арассыыйатааҕы гастрольнай-кэнсиэртиир былааныгар сөп түбэһиннэрэн, «Большие гастроли» бырайыак чэрчитинэн ыытылыннылар.
Санатан эттэххэ, Саха сирин күннэрэ Казахстааҥҥа Казахстаан Өрөспүүбүлүкэтин Бэрэсидьиэнэ Касым-Жомарт Токаевы кытта Ил Дархан Айсен Николаев 2023 сыл тохсунньутугар көрсүһүүгэ ситиһиллибит дуогабарын түмүгүнэн ыытылыннылар.
СӨ Ил Дарханын уонна Бырабыыталыстыбатын пресс-сулууспата
Былыргы дьыл былдьаһыктаах күннэриттэн күн бүгүнүгэр диэри Саха омук аар тайҕабыт мааны кыылларын: куобаҕы, мас…
Бу күннэргэ Бүлүү улууһун Тааһаҕар нэһилиэгэр Улуу Кыайыы 80 сылыгар, Арассыыйаҕа Аҕа дойдуну көмүскээччи, Саха…
Арассыыйаҕа олорор элбэх оҕолоох дьиэ кэргэттэр аны Арассыыйа үрдүнэн баар түмэллэргэ, пааркаларга, быыстапкаларга ханнык баҕарар…
Арассыыйатааҕы Киинэ пуондата кыра нэһилиэнньэлээх пууннарга киинэ тыйаатырдарын өйүүр куонкуруһу тэрийэр. Көмө федеральнай бүддьүөттэн барар.…
Быйыл Аҕа дойду Улуу сэриитигэр Кыайыы 80 сылын кытта эт саастыы көлүөнэ икки бүк үөрүүлээх…
Бу күннэргэ Нам улууһун күннэрин чэрчитинэн улуус баһылыга Юрий Слепцов салайар исписэлиистэрин бөлөҕө норуот хаһаайыстыбатын…