Хаартыска: СИА
Казахстааҥҥа Астана куоракка Саха Өрөспүүбүлүкэтин күннэрэ аһылыннылар. Муус устар 18-23 күннэригэр бырагыраама чэрчитинэн култуура, успуорт, атыы-эргиэн, официальнай көрсүһүүлэр ыытыллыахтара.
Саха сирин күннэрин култуурунай бырагырааматын сүрүн түгэннэринэн Казахстааҥҥа «Ньургун Боотур» олоҥхону «Астана Балет» тыйаатыр сыанатыгар көрдөрүөхтэрэ. Ону сэргэ Алматы куоракка Абая аатынан Казах национальнай тыйаатырыгар туруоруохтара. «Астана Балет» тыйаатырын сыанатыгар «Аныгы хореография киэһэтэ» буолуоҕа. Испэктээктэр Арассыыйа култууратын министиэристибэтин Бүтүн Арассыыйатааҕы гастрольнай-кэнсииэртиир былааныгар олоҕуран, Д К. Сивцев- Суорун Омоллоон аатынан Опера уонна балет судаарыстыбаннай тыйаатырын улахан гастролларын чэрчитинэн ыытыллар.
Санатан эттэххэ, Ил Дархан Айсен Николаев 2023 сыл тохсунньутугар Казахстаан Бэрэсидьиэнэ Касым-Жомарт Токаевтыын көрсүһүүгэ Астанаҕа Саха сирин күннэрин ыытыы уонна бииргэ үлэлээһиннэр сүрүн хайысхаларын дьүүллэспитэ.
Ону сэргэ Саха сирэ бэйэтин атыы-эргиэн кыаҕын көрдөрүө. Сүрүн тэрээһиннэр ортолоругар «Сделано в Якутии» уонна Саха сиригэр табаары оҥорооччулар тэрилтэлэр быыстапкалара буолуоҕа. Казахстаан Өрөспүүбүлүкэтин национальнай түмэлигэр «Саха сирин күндү баайа» быыстапка ыытыллыаҕа.«Саха сирин виртуозтара» скрипачтар судаарыстыбаннай ансамбылын кэнсиэрэ, саха киинэлэрин көрдөрүү, «Кыыс Дэбилийэ» Олоҥхо тыйаатырын испэктээгэ буолар. Саха норуодунай бэйиэтэ Наталья Харлампьева «Якутская стрела» кинигэтин билиһиннэриэҕэ. Аан дойдутааҕы төгүрүк остуолга национальнай литэрэтиирэни сайыннарыы боппуруостарын дьүүллэһиэхтэрэ.
Успуорт бырагырааматыгар мас тардыһыыга Казахстаан чөмпүйэнээтэ, маастар-кылаастар, Саха сирин уонна Казахстаан успуорт хамаандаларын матчевай көрсүһүүлэрэ ыытыллыахтара.
СӨ Ил Дарханын уонна Бырабыыталыстыбатын пресс-сулууспата
Быйыл кулун тутар 22 күнүттэн Арассыыйа Кыһыл кинигэтигэр киирбит хараакыны үөрэтиигэ, кэтээн көрүүгэ кыһыҥҥы эспэдииссийэ…
Томпо оройуонугар икки киһини былаас бэрэстэбиитэллэригэр күүһүнэн өттөйүүгэ буруйдааҕынан аахтылар. Силиэстийэ быһаарбытынан, 2023 сыл сайыныгар…
Бу күннэргэ сэрии сылларыгар тахсыбыт “Кыым” хаһыат нүөмэрдэрин аахтым. Былыргы хаһыаттары ааҕыы бэрт элбэх санааны…
«Известия» таһаарыы бэлиэтииринэн, 2024 сылга диэри Арассыыйаҕа карфентанил булуллубут түбэлтэлэрэ олох аҕыйах этэ — былырыын…
Норуот ырыаһыта С.А.Зверев-Кыыл Уолун туһунан кэнники сылларга ордук юбилейдарыгар бэрт элбэх ахтыылар, суруйуулар периодическай бэчээккэ…
Былыргы дьыл былдьаһыктаах күннэриттэн күн бүгүнүгэр диэри Саха омук аар тайҕабыт мааны кыылларын: куобаҕы, мас…