Маннык эмиэ этэллэр эбит. Биһиги дьылҕабыт зодиакпыт бэлиэтиттэн эрэ буолбакка, нэдиэлэ ханнык күнүгэр төрөөбүппүтүттэн эмиэ тутулуктаах диэн.
Нэдиэлэ бастакы күнэ — Ый күнэ. Бу күн төрөөбүт оҕолор ый курдук хаппырыыстар, уоскулаҥы билбэттэр. Ый күнүгэр төрөөбүт дьахтар — үчүгэй ийэ, алаһа дьиэ дьиҥнээх хаһаайката.
Нэдиэлэ иккис күнэ — Марс күнэ. Бу күн төрөөбүттэр эрчимнээхтэр, тулуурдаахтар, ол эрээри ыгым соҕустар.
Нэдиэлэ үһүс күнэ — Меркурий күнэ. Билиигэ-көрүүгэ дьулуурдаахтар, сайаҕастар, олоҕу таптыыллар. Сатабыллаахтар, табыллымтыалар, эрэллээх доҕоттор уонна болҕомтону сатаан тардаллар.
Нэдиэлэ төрдүс күнэ — Юпитер күнэ. Бу планета күүстээх өйү-санааны, иһирэх дууһаны, эппиэтинэстээх буолууну биэрэр. Бу күн төрөөбүт дьахтары дьиэҕэ олордубаккын, кини уопсастыбаҕа, дьиэ кэргэнигэр лиидэр.
Нэдиэлэ бэһис күнэ — Венера күнэ. Бу күн төрөөбүттэр ил-эйэ, кэрэ аргыстаахтар. Венера бэйэтин оҕолоругар муҥура суох айар кыаҕы биэрэр, аҥаардастыы таптааһын эрэйиттэн харыстыыр.
Нэдиэлэ алтыс күнэ — Сатурн күнэ. Бу күн философтар, соҕотохсуйууну сөбүлүүр дьон төрүүллэр. Дьахтарга бу соччо табыгаһа суох күн. Сатурн кыргыттара таптыыр киһилэригэр олус үрдүк ирдэбиллээхтэр.
Нэдиэлэ сэттис күнэ — Күн күнэ. Бу күн төрөөбүттэр — дьоллоох дьон. Кинилэр тапталга дьоллоохтор, айар үлэлэрэ ситиһиилээх, эрчимнээхтэр, олоххо олус дьулуурдаахтар.
Ол гынан баран, дьылҕабыт бэйэбит илиибитигэр буоларын умнумуоҕуҥ. Олоҕу таптааҥ, дьоҥҥутун харыстааҥ. Барыта этэҥҥэ буолуо.
«Саха ыалын халандаара,
«Бичик» кинигэ кыһата, 2007 с.
Бу күннэргэ халаан уутуттан эмсэҕэлээн, сорох улуустарга ыксаллаах быһыы-майгы эрэсиимэ биллэриллибитэ. Оттон эксээмэннэр ыам ыйын…
"Михаил Ефимович Николаев: вклад в государственную семейную политику Российской Федерации" диэн кинигэ сүрэхтэниитэ бүгүн, ыам…
Ыам ыйын 15 күнэ. Дьылбыт түмүктэнэрэ 7 хонук хаалбыт. Ол аата саха саҥа сыла саҕаланыа…
Ааҕааччыны салгыппат гына, ааспыты аҕыйах тылынан ахтан ааһар тоҕоостоох. Ыраата барбакка эттэххэ, ааспыт үйэ 60-70-с…
Оннук ээ, туох барыта күрүөлээх, хамсыыр барыта хаһаалаах буолара бэрт бөҕө буоллаҕа! Киһи бэйэтин көрүнэригэр-харыстанарыгар…
2021 сылтан Саха сиригэр “Баһаары сэрэт – АДПИ киллэр!” диэн социальнай аахсыйа ыытыллар. Аахсыйа чэрчитинэн…