Ат сүүрдүүтүгэр Дьокуускай баһылыгын бирииһин Дохсун ылла

Бэҕэһээ Дыгын оонньуулара түмүктэнээтин кытта, Үс Хатыҥҥа «Дьөһөгөй» ипподромҥа Дьокуускай куорат аҕа баһылыгын  бирииһигэр  ат сүүрдүүтэ ыытылынна.

Быйылгы бырагыраамаҕа биэс дистанцияҕа сүүрүү буолла. Бириис уопсай пуондата —  2 мөл. 400 тыһ. солкуобай.
Саамай улахан бириис пуондата 4800 м. саха боруодатын аттарыгар туруорулунна. Манна кыайыылаах — 1 мөл. солк. наҕараадаланна.

Бастакы миэстэни Тааттаттан  Дохсун, иккис миэстэни  – Айхал, үсүһү – Сулусчаан (иккиэн Хаҥалас улуустара) ыллылар.