Атамай үөрэнээччилэрин чаҕылхай ситиһиилэрэ

Горнай улууһун В.Д.Лонгинов аатынан Атамай орто агро хайысхалаах оскуолатын үөрэнээччилэрэ, дойдубут тэбэр сүрэҕэр Москваҕа дойду үс улахан научнай-практическай кэмпириэнсийэҕэ кытыннылар. Оҕолор дойдуларын аатын чиэстээхтик көмүскээтилэр.

Ол курдук, Леонардо аатынан Бүтүн Арассыыйатааҕы кэмпириэнсийэҕэ оскуола 11 үөрэнээччитэ бэйэлэрин научнай үлэлэрин учуонайдар иннилэригэр көмүскээтилэр. Далааһыннаах тэрээһиҥҥэ дойду 70 эрэгийиэниттэн уопсайа 1870 кыттааччы кэлбит. Үс күннээх сыралаах үлэ түмүгүнэн Атамай оскуолатын оҕолоро үрдүк ситиһиилэннилэр.

«Спорт и ЗОЖ» сиэксийэҕэ муҥутуур кыайыылаах аатын 9 кылаас үөрэнээччитэ Семенов Данил ылла. Данил  волейбол дьарыгар туттар, спортсмены сайыннарар сахалыы оонньуу ньымаларын кэпсээбитин эспиэрдэр улаханнык биһирээтилэр. Салайааччылара Татьяна Павлова, Прокопий Яковлев.

«Исторические науки» сиэксийэҕэ 9 кылаас үөрэнээччитэ Филиппов Савелий 2 миэстэ буолла. Савелий бу сыл сайыныгар Москваҕа архыыпка үлэлээбитэ. Кини Атамай нэһилиэгэ 16 үйэттэн баарын туоһулуур матырыйаалларын көрдөрөн улахан үлэ ыытыллыбытын дакаастаата. Салайааччылара Акулина Филиппова, Татьяна Павлова.

«Биология» сиэксийэҕэ 3 бириистээх миэстэҕэ 8 кылаас үөрэнээччитэ Сайаана Иванова таҕыста. Сайаана томат үүннэриигэ сахабактисубтил уонна биогумус туһаныытын чинчийбит дакылаата улахан научнай суолталааҕын быһаарда. Салайааччылара Туйаара Колесова, Лидия Алексеева.

«Экономические науки» сиэксийэҕэ 9 кылаас үөрэнээччитэ Галя Стручкова 3 миэстэни ылары ситистэ. Галя олоххо киллэрбит «Атамай бэлэҕэ» диэн ойуур хара хаптаҕаһыттан биисинэс бырайыага элбэх дьон болҕомтотун, биһирэбилин ылла. Салайааччылара Татьяна Павлова, Анна Яковлева.

7 үөрэнээччи финалист үрдүк аатын туоһулуур дипломнарынан уонна мэтээллэринэн наҕараадаланнылар:

«Математические науки» сиэксийэҕэ 9 кылаас үөрэнээччитэ Яковлев Карен ылла. Тиэмэтэ «Разработка  авторского тренажера для самостоятельного изучения теории вероятности». Салайааччылара Лидия Алексеева, Евдокия Винокурова.

«Культурология» сиэксийэҕэ 9 кылаас үөрэнээччитэ Саввинова Диана. Тиэмэтэ «Изучение влияния народного танца «Оһуор» на человека». Салайааччыта  Акулина Филиппова.

«Иностранные языки» сиэксийэҕэ 9 кылаас үөрэнээччитэ Иванова Ильза. Тиэмэтэ «Изучение омофонов как эффективный способ изучения английского носителями тюрского языка». Салайааччыта Антонина Яковлева.

«Социология» сиэксийэҕэ 9 кылаас үөрэнээччитэ Павлова Айтаана. Тиэмэтэ «Изучение влияния государственной грантовой поддержки в развитии волонтерского движения на малых сельских территориях (на примере динамического развития волонтерства в с. Бясь-Кюель Республики Саха (Якутия))». Салайааччыта Татьяна Павлова.

«Экономика» сиэксийэҕэ 8 кылаас үөрэнээччитэ Ефремова Айылгылаана. Тиэмэтэ «Экономические расчеты по содержанию бройлеров в условиях сельской агрошколы». Салайааччылара Анна Яковлева, Татьяна Павлова.

«Экономика» сиэксийэҕэ 9 кылаас үөрэнээччитэ Яковлев Ян. Тиэмэтэ «Ключницы  как классный бизнес-план». Салайааччыта Акулина Филиппова.

«Спорт и ЗОЖ» сиэксийэҕэ 8 кылаас үөрэнээччитэ Алексеев Уруйдаан. Тиэмэтэ «Самодельный тренажер для быстрого освоения техники национального вида спорта тутум эргиир». Салайааччылара Платон Алексеев, Лидия Алексеева.

Эдэр чинчийээччилэргэ, кыайыылаах үөрэнээччилэрбитигэр баҕарабыт өссө да үрдүктэн үрдүк ситиһиилэри, дабайыылары, үүнэ-сайда туруҥ диэн алгыыбыт.

Татьяна Павлова

Хаартыскалар: Т.Павлова тиксэриилэрэ