Александра Ефремова хаартыскаҕа түһэриитэ
Горнай улууһугар Атамай орто оскуолатыгар үөрэнээччилэр кыһыҥҥы сынньалаҥнарын кэмигэр устудьуоннары кытта истиҥ-иһирэх көрсүһүү буолла.
Биһиги оскуолабытыгар үгэс буолбут «Устудьуоннары кытта көрсүһүү» тэрилиннэ. Устудьуоннар оҕолорго үөрэхтэрин туһунан кэпсээри, сырдатаары бэлэмнэнэн кэлбиттэрэ биллэр. Видео көрдөрө-көрдөрө олус үчүгэйдик, интэриэһинэйдик кэпсээтилэр. Устудьуон олоҕун туһунан кэпсээннэрин оҕолор олус сэргээтилэр, санааларын атастастылар. Үөрэххэ туттарсарга сүбэ-ама биэрдилэр. Оскуолаҕа ылбыт билиибит, сатабылбыт наһаа туһалаах эбит диэн эттилэр уонна учууталларыгар махтаннылар.
Ефремов Спартак академик И.П.Павлов аатынан Санкт Петербурдааҕы мэдиссиинэ университетыгар 3 кууруска үөрэнэр. Иванов Эдгар Ходжа Ахмет Ясауи аатынан норуоттар икки ардыларынааҕы Казахскай-Турецкай университет 2 кууруһун устудьуона. Ефремов Роберт И.Ф.Шилов аатынан РФ ИДьМ Уһук Илиннээҕи юридическай институтугар 1 кууруска, Яковлева Анастасия Чурапчыга физкултуура уонна успуорт институтугар 4 кууруска, Павлов Саян Дьокуускайга индустриальнай-педагогическай кэллиэскэ 1 кууруска үөрэнэллэр.
Оҕолор устудьуоннар кэпсииллэрин наһаа сэҥээрэн иһиттилэр, ыйытыылары биэрдилэр. Бу кинилэргэ инники олохторугар сүбэ-ама буолуо диэн эрэнэбит. Маннык тэрээһиннэр үөрэнээччилэр ханна үөрэнэ баралларын туһунан эрдэттэн толкуйдуулларыгар, сыал-сорук туруорунан бэлэмнэнэллэригэр туһалыыр.
Көсрүһүүгэ кыттыбыт устудьуоннарга махтанабыт.
Александра Ефремова,
Атамай, Горнай.
Ааптар хаартыскаҕа түһэриитэ.
Саха сиригэр 2025 сылга барыта аҕыс хочуолунай үлэҕэ киллэриллибит. Бу бырайыактары олоххо киллэрии нэһилиэнньэлээх пууннары…
Бүгүн, тохсунньу 17 күнүгэр, Тымныы полюһунан аатырар Өймөкөөн улууһугар аан дойдутааҕы таһымнаах улахан успуорт тэрээһинэ…
Тохсунньу томороон тымныыта түһэн турар. Баччаларга Саха сирин үрдүнэн таҥха кэмэ саҕаланар, сүллүүкүүттэр тахсаллар. Аныгы кэмҥэ ким да кинилэри илэ көрбүтэ суох эрээри, дьэ хата кимнээҕэр дьон олоҕор “орооһоллор” үһү. …
Байыаннай дьайыыга тыһыынчанан миэдик үлэлиир. Олортон биирдэстэринэн байыаннай дьайыы кыттыылааҕа, миэдик идэлээх, «За отвагу», «Спасение…
Үүммүт 2026 сылга Саха сиригэр үлэ төлөбүрүн алын кээмэйэ (МРОТ) уонна тиийинэн олоруу алын кээмэйэ…
Ааспыт сууккаҕа Саха сиригэр буруйу оҥоруу сэттэ түбэлтэтэ бэлиэтэммит. Бу туһунан СӨ Борокуратууратын пресс-сулууспата иһитиннэрэр. Ол…