Хаартыска Васильевтар дьиэ кэргэн тиксэриитэ.
2024 сыл Горнай улууһугар Предпринимательство сылынан биллэриллибитин сэргиибит. Урбаан үлэтигэр үлэ элбэх, сорук улахан.
Атамай 700 киһилээх нэһилиэнньэтигэр атыы-эргиэн эйгэтин хайысхатынан биэс маҕаһыын тигинэччи үлэлии турар. Бу маннык маҕаһыыннаах дьонтон кэпсиир дьоруойдарбынан Васильевтар дьиэ кэргэн буолаллар. Алёна, Альберт Васильевтар атыы-тутуу өҥөтүгэр 2013 сылтан ылсан, олохтоох успуорт саалатын биир хоһун арендалаан онно туран атыылыыллара. Саҥа маҕаһыыннарын кирэдьиит ылан туттубуттара. 2020 сыл бэс ыйыттан саҕалаан, ахсынньы 24 күнүгэр бүтэрэн үлэҕэ киллэрбиттэрэ. Нэһилиэккэ «Алёна» диэн дэлэгэй астаах, араас табаардардаах, барыта уурбут-туппут курдук бэркэ оҥоһуллубут, киһи хараҕа хатанар саҥа маҕаһыын арыллан болҕомтону тардыбыта.
Алёналаах Альберт нэһилиэк дьонугар үлэ миэстэтин тэрийдилэр. Нэһилиэк олоҕор-дьаһаҕар, тэрээһиннэргэ көхтөөхтүк кытталлар. Кинилэр элбэх оҕолоох дьиэ кэргэттэргэ, аҕам саастаах дьоҥҥо сыл ахсын бэлиэ бырааһынньыктарга астан-үөлтэн бэлэхтэри оҥорон туттараннар дьон махталын ылаллар.
Васильевтар дьиэ кэргэн атыы-эргиэн эйгэтигэр үлэлэрин кэҥэтэр былааннаахтар. Кинилэргэ үлэлэригэр ситиһиини баҕарабын.
Валентина Яковлева,
Атамай.
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…
Дьокуускай куорат төрөөбүт күнүгэр, балаҕан ыйын 14 күнүгэр, киин куоракка 14 оҕо күн сирин көрдө…
Дьокуускайга полиция 3-с №-дээх отделыгар 30 тыһ.солк. суумалаах бэлисипиэди уорбуттарын туһунан иһитиннэрбиттэр. Бу туһунан СӨ ИДьМ…
Бүгүн Ил Дархан Айсен Николаев Бырабыытылыстыба уонна дьаһалта былаанныыр мунньаҕар федеральнай уонна стратегическай көҕүлээһиннэри олоххо…
Сиргэ кэнники үс ый иһигэр саамай күүстээх магнитнай буурҕа түстэ, ол күүһэ G3 баалга чугаһаата.…
Сунтаар улууһугар "Биир ньыгыл Арассыыйа" баартыйаттан турбут А.В.Григорьев баһылыгынан талылынна. Биир дойдулаахтара кини үлэтин үрдүктүк…