Хаартыска Горнай улууһун дьаһалтатын пресс-сулууспатыттан
Бэҕэһээ Горнай улууһун Атамай нэһилиэгэр олохтоохтор Кыайыы болуоссатыгар 70 акация маһы олортулар. Ол туһунан «Ситим» общественнай тэрилтэ салайааччыта Татьяна Павлова кэпсиир.
Тэрээһин нэһилиэк «Ситим» уопсастыбаннай түмсүүтэ, олохтоох дьаһалта көҕүлээһининэн, бэрэсидьиэн пуондатын үбүлээһининэн ыытылынна.
Мастары олордуу акция Ботаническай саад научнай салайыытынан ыытыллар, научнай салайааччынан Анна Егоровна Сысолятина буолар.
«Акцияҕа нэһилиэк көхтөөх олохтоохторо, бастыҥ уопсастыбанньыктар, үөрэнээччилэр кытыннылар. Нэһилиэк ис-тас көрүҥүн тупсарар акцияҕа кыттыспыт үтүө санаалаах дьоммутугар, оҕолорбутугар махталбытын биллэрэбитэтэбит. Мас олордуутугар үтүө холобуру көрдөрбүт, тус кылааттарын киллэрбит аҕам саастаах дьоммутугар киэн туттуубутун биллэрэбит», — диэн «Ситим» общественнай тэрилтэ салайааччыта Татьяна Павлова этэр.
Акацияны олордууга уунан, буорунан, кумаҕынан бастыҥ уопсастыбанньык, урбаанньыт Д.А. Филиппов хааччыйбыт.
Мантан салгыы бу олордуллубут мастар куура хаппаттарын, чэчирии үүнэллэрин курдук, көрөр-харайар сайыҥҥы лааҕыр үлэлиэ. Аны күһүн «Кэскил» түөлбэҕэ, «Саҥа олох» бырайыак чэрчитинэн 170 мас биэс араас көрүҥэ олордуллуоҕа.
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…