Александра Ефремова, Дария Макарова хаартыскаларга түһэриилэрэ
Сэбиэскэй Сойуус Дьоруойа В.Д. Лонгинов сырдык аатыгар сүгүрүйэн уонна Аҕа дойду сэриитигэр Улуу Кыайыы 80 сылынан Лонгинов ааҕыылара буолла.
Тэрээһин В.Д.Лонгинов аатынан Атамай орто оскуолатыгар ыытылынна. Кэмпириэнсийэ күндү ыалдьыттарынан Владимир Лонгинов аймахтара — Каркавин Владимир Филиппович, Светлакова Ольга Никифоровна, РРЦ «Юные якутяне» эбии үөрэхтээһин отделын сүрүннүүр исписэлииһэ Федорова Мария Афанасьевна, Горнай бэтэрээннэрин сэбиэтин бэрэссэдээтэлэ Пахомова Любовь Романовна, улууска үөрэх управлениетын начаалынньыга Сметанина Варвара Ильинична буоллулар. Ону сэргэ, «Алеша» тааҥка механик-водителэ, Арассыыйа Дьоруойа Филипп Александрович Евсеев, «Аҕа дойдуну көмүскээччилэр» пуонда филиалын Горнайдааҕы бэрэстэбиитэлистибэтин куратора Захаров Алексей Николаевич ыҥырыылаах ыалдьыттарынан буоллулар.
Кэмпириэнсийэ 47 кыттааччылаах. Ону таһынан кэтэхтэн 107 үлэ киирдэ. Барыта 7 сиэксийэнэн дакылааттары иһиттилэр, дьүүллүүр сүбэ таһаарыылаахтык үлэлээтэ. Сэбиэскэй Сойуус Дьоруойа В.Д.Лонгинов сырдык аата кэнчээри ыччакка ахтылла туруохтун, сырдык мөссүөнэ өлбөөдүйбэтин!
Түһүлгэҕэ мустубут ыалдьыттарбыт бу күн Аҕа дойду уоттаах сэриитигэр кыттыыны ылбыт биир дойдулаахтарбыт ааттарын кэриэстээтилэр, Кыайыы болуоссатыгар Лонгинов пааматынньыгыгар, үйэлэргэ умуллубат уокка сибэкки дьөрбөтүн уурдулар. Ол кэнниттэн байыаннай дьайыыга кыттыбыт, «Хорсунун иһин» уордьанынан наҕараадаламмыт биир дойдулаахпыт, старшай сержант Аввакумов Анатолий Анатольевич сырдык аатын үйэтитэр аналлаах өйдөбүнньүк билиитэ арыллыытыгар кыттыыны ыллылар.
Мария Яковлева, Дмитрий Яковлев
Александра Ефремова, Дария Макарова, Татьяна Алексеева хаартыскаларга түһэриилэрэ
Арассыыйа бэрэсидьиэнэ Владимир Путин ахсынньы 19 күнүгэр, бээтинсэҕэ, пресс-кэмпириэнсийэни кытта быһа сибээһи ыытыаҕа. Судаарыстыба баһылыга…
Арассыыйаҕа кутталлаах ыарыыта суоҕун туһунан ыспыраапканы сымыйанан оҥоруу иһин холуобунай эппиэтинэһи киллэриэхтэрин сөп. Бу туһунан…
“Кыһыҥҥы сынньалаҥҥа оҕолор хас күн өрүүллэр?” – диэн төрөппүттэр ыйытыыларыгар РФ Үөрэҕириитин министиэристибэтэ бу курдук…
Арассыыйа бааннарын үгүс өттө, Киин Баан сүрүн ыстаапкатын боппуруоһугар кэлэр мунньаҕар диэри, ипотека ыстаапкатын намтатыыны…
Зеленскэй Донбасстан сэриитин таһаарарын утарар. Ол эрэн АХШ Украина куттала суох буолуутун мэктиэлиирин туруорсар. НАТО-ҕа…
Бүгүн, ахсынньы 16 күнүгэр Дьокуускай куорат национальнай гимназиятыгар оттук систиэмэтин турбата тоҕо баран, уол оҕо…