Атамайга Арассыыйа Дьоруойа ыалдьыттаата

Атамайга Арассыыйа Дьоруойа Алексей Петров уонна Биир кэлим сүрүннүүр киин волонтера Вера Душкевич кэлэн ыалдьыттаатылар.

Алексей Атамай орто оскуолатын өрөмүөнүгэр үлэлии сылдьыбыт буолан, Бэс Күөлүн олохтоохторун үчүгэйдик билэр. Кини бииргэ үлэлээбит дьонун көрсөн үөрдэ. Бөһүөлэк бүтэһик сылларга улаханнык уларыйбытын бэлиэтээтэ.

Манна даҕатан эттэххэ, Вера Душкевич биһиги биир дойдулаахпытыгар, байыаннай дьайыы кыттыылааҕар Александр Федоровка реабилитациятыгар көмөлөһө сылдьар. Протез оҥотторуутун, дьиэтэ-уота киниэхэ табыгастаах буоларын туруорсар. Хорсун байыас уоттаах сэрии толоонуттан аҥар атаҕа суох тахсыбыта. Билигин кини АГАТУ бастакы кууруһугар үөрэнэр.

Ыалдьыттарбытыгар Атамай нэһилиэгин туһунан кинигэбитин бэлэх ууннубут. Биһиэхэ өссө да кэлэллэригэр ыҥырдыбыт.

Айсен Павлов,

Атамай, Горнай.

Хаартыскалар ааптар тиксэриилэрэ