Салгыы
Атамайга «Азия оҕолоро» оонньуу уотун көрүстүлэр

Атамайга «Азия оҕолоро» оонньуу уотун көрүстүлэр

Ааптар:
23.04.2024, 15:14
Хаартыскаҕа Элеонора Аввакумова түһэриитэ
Бөлөххө киир:

Бүгүн Кыайыы болуоссатыгар “Азия оҕолоро” спортивнай оонньуу ытык уотун Атамайга (Горнай) уруйдуу-айхаллыы көрүстүбүт.

«Азия оҕолоро» спортивнай оонньуу аалай уотун Авксентий Авсентьевич Филиппов, Горнай улууһугар физическэй култуура уонна маассабай успуорт сайдыытын киинин дириэктэрин солбуйааччы Максим Робертович Слепцов, улууска адаптивнай физическай култуура исписэлииһэ Николай Николаевич Константинов күөрэччи көтөҕөн аҕалыылара ытыс тыаһынан арыалланна.

Долгутуулаах, күүтүүлээх тэрээһин аалай уотун тутан эстэпиэтэҕэ Атамай нэһилиэгин киэн туттар спорсменнара, инники кэскиллэрэ сүүрдүлэр. Ол курдук,  Атамай нэһилиэгин бочуоттаах олохтооҕо, мас тардыһыытыгар успуорт маастара Яковлев Владимир Иванович, В.Д.Лонгинов аатынан Атамай орто оскуолатыгар физкултуура учууталынан 22 сыл үтүө суобастаахтык үлэлии сылдьар, СӨ үөрэҕириитин туйгуна, СӨ «Аҕалар лигалара» уопсастыбаннай түмсүү мэтээлин хаһаайына Яковлев Прокопий Прокопьевич, элбэх оҕолоох ийэ, уопсастыбанньык, өрөспүүбүлүкэтээҕи, улуустааҕы күрэхтэһиилэр призердара Семенова Анастасия Аркадьевна, мас тардыһыы күрэстэрин хас да төгүлээх призера, чөмпүйүөнэ, улуустааҕы мас тардыһыытын муҥутуур чөмпүйүөнэ Жирков Александр Александрович, Атамай орто оскуолатын физкултуураҕа учуутала, Горнай улууһугар мас тардыһыыга үс төгүллээх призёр, СӨ буоксаҕа үс төгүллээх чөмпүйүөнэ Ионов Николай Николаевич, Атамай нэһилиэгин бастыҥ ыччата, уопсастыбанньык, остуол тенниһигэр, волейболга улуус күрэхтэһиилэрин призера, чөмпүйүөнэ Иванова Розалия Ивановна, Атамай оскуолатын 10 кылааһын үөрэнээччитэ, 2023 сыллаахха греко-римскэй тустууга СӨ бастыыр иһин күрэхтэһии призера, Уһук Илиҥҥэ бастыыр иһин күрэхтэһиигэ 5 миэстэни ылбыт Филиппов Эдуард, эмиэ бу оскуола 10 кылааһын үөрэнээччитэ, СӨ уонна Горнай улууһугар мас тардыһыыга призер Аввакумова Анжелина,  7 кылаас үөрэнээччитэ, СӨ тустуу турнирдарын хас да төгүллээх призера Иванов Маркел, 7 кылаас үөрэнээччитэ, Горнай улууһугар волейбол уонна мас тардыһыытын призера Романова Ирена, 4 кылаас үөрэнээччитэ, СӨ буокса турнирын призера, үөрэнээччилэр икки ардыларынааҕы саха спорт көрүҥнэрин чөмпүйүөнэ Иванов Ярик, 4 кылаас үөрэнээччитэ, алын кылаас үөрэнээччилэрин успуорка сүүмэрдэммит хамаандатын чилиэнэ Яковлева Нарыйаана уонна “Радуга” оҕо уһуйаанын иитиллээччилэрэ Винокуров Айхаан, Аввакумова Сайаана кыттыыны ыллылар.

Үөрүүлээх тэрээһиҥҥэ РФ успуорка министиэристибэтиттэн ГТО IX истиэпэннээх наҕараадатын дохсун ытыс тыаһыгар доҕуһуоллатан Николай Николаевич Ионовка туттардылар. Кыынньа сылдьар кымыһынан, арыылаах алаадьынан айах туттулар киэн туттар дьоммут, «Долгууна» үҥкүү бөлөҕө (сал. Павлова А.Ф.). Тэрээһини үҥкүүнэн-битиинэн киэргэттилэр кэнчээри ыччаттарбыт, “Атамайчаан” үҥкүү бөлөҕө (сал. Ефремова А.А.). Дьон-сэргэ күүтүүлээх тэрээһиҥҥэ сылдьан улаханнык астынан, сэргэхсийэн тарҕастылар.

Анна Дмитриева,

Атамай.

Хаартыскаларга Элеонора Аввакумова түһэриитэ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
22 мая
  • 17°C
  • Ощущается: 15°Влажность: 25% Скорость ветра: 5 м/с

Сообщить об опечатке

Текст, который будет отправлен нашим редакторам: