Дмитрий Яковлев хаартыскаҕа түһэриитэ
Горнай улууһугар сэргэх күннэр үүннүлэр. Атамайга Уус сайылыгар элбэх киһи тоҕуоруста. Манна «Байанай» бэртээхэй күрэхтэһии буолла.
Бу биир дойдулаахпыт, байыаннай дьайыы кыттыылааҕа, «Хорсунун иһин» уордьан кавалера, гвардия старшай сержана Аввакумов Анатолий Анатольевич аатынан улуустааҕы XXIX «Байанай» күөн күрэс буолан ааста.
Хамаандалар АК-74 автоматы ыһыыга-хомуйууга, булт сокуонун билии викторинатыгар, ойбон алларыыга, кутаа оттон чэй өрүүтүгэр уонна 8 түһүмэхтээх эстэпиэтэҕэ илин-кэлин түһүстүлэр. Бары көрүҥнэр түмүктэринэн 3 бириистээх миэстэҕэ «Байанай» хамаанда (Аһыма), иккис бочуоттаах миэстэҕэ улуус балыыһатын хамаандата таҕыстылар. Бастакы миэстэни «Ойуун» хамаанда (Күөрэлээх) эрэллээхтик ылан, өрөспүүбүлүкэҕэ улуус аатын көмүскүү барар путевка хаһаайынынан буолла.
Күрэскэ уопсайа 11 хамаанда кэлэн кытынна. Бары ох курдук оҥостубуттар, бэртээхэйдик бэлэмнэммиттэр. Онон киирсии да сытыытык-хотуутук барда. Хас көрүҥ аайы кыайыылаахтар уонна призердар тэрийээччилэртэн бириистэринэн наҕараадаланнылар. Ону таһынан Анатолий Аввакумов дьиэ кэргэниттэн, аймахтарыттан, доҕотторуттан, нэһилиэк эр дьонун түмсүүтүттэн тэрийээччилэргэ, анал аат хаһаайыттарыгар уонна кыайыылаахтарга бэлэхтэри туттардылар. Нэһилиэкпит чиэһин көмүскээбит «Ала Ууһа-1», «Ала Ууһа-2» хамаандалар кыттыылаахтарыгар, күрэс тэрийиитигэр күүс-көмө буолбут дьоммутугар барҕа махталбытын тиэрдэбит!
Дмитрий Яковлев
Ааптар хаартыскаларга түһэриитэ, видеоҕа устуута
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…
Былаас бэрэстэбиитэллэрэ, бырамыысыланнас хампаанньаларын салайааччылара уонна байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…
Ахсынньы 23 күнүгэр Дьокуускай бириэмэтинэн күнүс 12:00 чааска Айсен Николаев сыл аайы оҥоһуллар Ил Түмэҥҥэ…
В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр олорооччулар күннэрэ бэйэ-бэйэтигэр маарыннаһар: биир кэм бэрээдэктээх күннэр,…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Өтөх төҥүргэстээх" …
Нерюнгри оройуонун салаатын суут бириистэптэрэ биир тэрилтэттэн рекорднай суумалаах хамнаска иэһи ирдээтилэр. Нерюнгри олохтооҕо таҥастыыр…