Атамай оскуолатыгар Дьоруой паартатын туруордулар

Бэҕэһээ, сэтинньи 19 күнүгэр, Горнай улууһугар В.Д.Лонгинов аатынан Атамай орто оскуолатыгар дьон-сэргэ муһунна.

Биир дойдулаахпыт, байыаннай дьайыыга олоҕун толук уурбут хорсун буойун Аввакумов Анатолий Анатольевич сырдык аатын үйэтитэр сыаллаах «Дьоруой паартата» тэрээһин ыытылынна.

Дьоруой паартатыгар олорор чиэһи үөрэххэ, успуорка, оскуола, нэһилиэк уопсастыбаннай олоҕор чаҕылхай ситиһиилээх үөрэнээччилэр сүгүөхтэрэ. Дьоруой паартатыгар маҥнайгынан олорор чиэскэ Атамай орто оскуолатын 2 кылааһын туйгун үөрэнээччитэ, Анатолий Анатольевич уола Арылхан Аввакумов тигистэ. Бу тэрээһиҥҥэ биһиги Дьоруойбут төрөппүттэрэ, дьиэ кэргэнэ, бииргэ төрөөбүттэрэ, улуус, нэһилиэк салалталара, бойобуой дьайыылар бэтэрээннэрэ, бииргэ сулууспалаабыт уолаттара кыттыыны ыллылар.

Дмитрий Яковлев,

Атамай, Горнай.

Ааптар хаартыскаларга түһэриитэ.