Хаартыска Татьяна Павлова тиксэриитэ
Горнай улууһун Атамай нэһилиэгэр оскуола үөрэнээччилэригэр аналлаах «Эдэр баһаарынай» диэн олус интэриэһинэй уонна туһалаах тэрээһин ыытылынна. Күрэхтэһии тыҥааһыннаах, эрбии тииһин курдук эгил-тэгил эриһиилээх буолла.
Көрөөччүлэр да уруйдуур хаһыылара уолаттарга күүстэригэр күүс, сэниэ эбэн биэрдэ, күрэхтэһиини өссө күүскэ сэргэхситтэ. Манна даҕатан эттэххэ, күөн күрэс РФ Бэрэсидьиэнин гранын ылбыт «Добровольная пожарная команда «Атамай хоһууннара» бырайыак чэрчитинэн ыытылынна. Элбэх өҥөнү хайысханы толорор киин киэҥ саалатыгар бу күн элбэх көрөөччү муһунна.
Күрэхтэһиигэ Дьоруой Владимир Лонгинов аатын сүгэр Атамай орто оскуолатын 5-10 кылааһын уолаттарын үс хамаандата күөн көрүстэ. Бары да ох курдук оҥостубуттар, кыайыыга дьулуурдаахтара тута сэрэйиллэр, бэл, туттан-хаптан сылдьалларыттан ол харахха быраҕыллар. Дойдуларын туһугар бэриниилээх, тулалыыр эйгэлэрин харыстыыр уонна үлэҕэ-хамнаска, араас тэрээһиннэргэ барытыгар куруутун инники күөҥҥэ сылдьар кэнчээри ыччаттарбытынан киэн туттубут өссө күүһүрэр. Хапытааннар: Филиппов Эдгард, Петров Олимпий, Семенов Данил.
Уолаттар эрдэттэн бэлэмнэнэн, баһаарынай идэтигэр туһаайыллар 4 түһүмэххэ кытыннылар. Ол курдук баһаарынай бойобуой таҥаһын бириэмэҕэ сөпкө кэтии, сүүрүү, уу шлангатын таҥыы, хомуйуу, быаны сөпкө баайыы, араас түһүмэхтэрдээх эстэпиэтэ. Күөн күрэс түмүгэр Эдгард Филиппов баһаарынай хамаандата кыайыылаах тахсан, кубогынан уонна сыаналаах бирииһинэн наҕараадаланна.
Түгэнинэн туһанан кэнчээри ыччаты сайыннарар, идэҕэ уһуйар, үөрэтэр-такайар тэрийээччилэргэ уонна РФ Бэрэсидьиэнин пуондатыгар махтанабыт.
Татьяна Павлова
Атамай, Горнай.
Хаартыскалар ааптар тиксэриилэрэ
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…