Салгыы
Атамайга элбэх хайысхалаах киини тутуу үлэтэ саҕаланна (ВИДЕО)

Атамайга элбэх хайысхалаах киини тутуу үлэтэ саҕаланна (ВИДЕО)

Ааптар:
18.03.2023, 17:00
Хаартыска sakha.gov.ru ылылынна
Бөлөххө киир:

Горнай улууһугар Атамайга элбэх хайысхалаах киини тутуу үлэтэ саҕаланна.

Бүгүн, кулун тутар 18 күнэ, нэһилиэк олохтоохторугар ураты бэлиэ, умнуллубат күнүнэн буолла. Элбэх хайысхалаах киини тутуу үлэтэ саҕаланна. Бу улуус сайдыытыгар тирэх буолара саарбахтаммат. Манна социальнай эбийиэги тутуу бырайыага РФ Бэрэсидьиэнэ В.Путин сорудаҕынан бэлэмнэниллибитэ.

«Ойуур баһаарын кэмигэр оскуола да, успуорт киинэ да эмсэҕэлээбэтэхтэрэ. Ол гынан баран, бу тутуулар наһаа эргэрбиттэр. Биһиги федеральнай бырабыыталыстыбаҕа сайаапка түһэрбиппит. Ол түмүгэр, Бэрэсидьиэн өйөөн, билигин оскуола тутулла турар, өссө элбэх хайысхалаах киини тутуу үлэтэ саҕаланна«, — диэн этэр Ил Дархан Айсен Николаев.

Хаартыска sakha.gov.ru ылылынна

Саҥа кииҥҥэ 50 миэстэлээх трибуналаах успуорт саалата, эрчиллэр, үкүүгэ үөрэнэр саалалар, 250 киһи олорон көрөр миэстэлээх сцена, «Арассыыйа почтатын» филиала, ааҕар саалалаах модульнай бибилэтиэкэ, быыстапкалыыр, о.д.а. араас тэрээһиннэри ыытар хос баар буолара былааннанар.

Маны сэргэ, манна уопсастыбанньыктарга уонна нэһилиэк предпринимателлэригэр былаһааккалар көрүллэллэр:  бэтэрээннэр Сэбиэттэрин мунньахтыыр хоһо, атыы-тутуу сирэ, хаартыскаҕа түһэрэр устуудьуйа, о.д.а. Киин уопсай иэнэ икки тыһ.кв.м. ордук буолар. Эбийиэги «Сахакапитал» тутар.

Тутуу бастакы атаҕын түһэриигэ СӨ Бырабыыталыстыбатын Бэрэссэдээтэлин бастакы солбуйааччы Кирилл Бычков кыттыыны ылла.

«Биһиги сэлиэнньэҕэ 2021 сыл уустук сайын буолан ааспытын умнубаппыт. Ил Дархан Арассыыйа Бэрэсидьиэнигэр көрдөһөн өйөбүл, сэлиэнньэни  чөлүгэр түһэрии үлэтигэр көмө оҥоһуллубута. Бүгүн эмиэ өссө биир үөрүүлээх түгэн буолла — саҥа социальнай эбийиэги тутуу саҕаланна. Эрэнэбин, элбэх хайысхалаах кииҥҥэ нэһилиэнньэ тардыһыа.  Сыл бүтүүтүгэр тутуу түмүктэниэ«, — диэн бэлиэтиир Кирилл Бычков.

Сэлиэнньэ олохтооҕо Валентина Яковлева үөрүүтүн үллэһиннэ: «Тыа сирин ыччатыгар уонна оҕолорго саҥа киин дьиэлэрин кэриэтэ буолуоҕа. Биһиги ис сүрэхпититтэн үөрэн-көтөн туран РФ Бэрэсидьиэнигэр Владимир Путиҥҥа уонна Ил Дархан Айсен Николаевка махтанабыт. Өрөспүүбүлүкэбит Ил Дархана эрэннэрбит тылын чахчы толордо! Ойуур баһаарын кэнниттэн кини барыта чөлүгэр түһэриллиэ, биһиги оҕолорбут саҥа оскуолаҕа үөрэниэхтэрэ, саҥа култуура киинигэр сылдьыахтара диэбитэ. Көрөрбүт курдук, барыта чахчы да оннук буолан иһэр«, — диэтэ Валентина Яковлева.

Хаартыска sakha.gov.ru ылылынна

Манна даҕатан эттэххэ, 150 оҕо үөрэнэр оскуолатын тутуу былырыын сайын саҕаламмыта. Оскуоланы быйыл сыл бүтүүтүгэр киллэрэр былааннаахтар. Саҥа кыһа миэбэлинэн, үөрэнэр-лабораторнай тэрилинэн, компьютердарынан, интерактивнай дуоскаларынан хааччыллыа. Бырайыак быһыытынан манна актовай уонна успуорт саалалара, бибилэтиэкэ, остолобуой, мэдиссиинэ үлэһитин хоһо баар буолуохтаахтар.

«Саҥа оскуолаҕа көһөөрү долгуйа кэтэһэбит. Ордук оҕолор күүтэллэр, саҥа тутууну көрөллөр-истэллэр. Киин сир оскуолаларыгар курдук, саҥа усулуобуйаҕа аныгы халыыбынан, ирдэбилинэн барыта ураты буолуо«, — диир оскуола дириэктэрэ Мотрена Ефремова.

Санатан эттэххэ, 2021 сыл атырдьах ыйын саҥатыгар ойуур баһаара Бэс Күөлүгэр, нэһилиэнньэлээх пууҥҥа киирбитэ. Ол түмүгэр 32 олорор дьиэ, ол иһигэр 6 элбэх кыбартыыралаах уонна 26 кэтэх дьиэ уокка былдьаммыта. Дьиэтэ-уота суох 38 дьиэ кэргэн — 191 киһи хаалбыта. Ил Дархан Айсен Николаев сорудаҕынан, кылгас кэм иһигэр олохтоох тутааччылар күүстэринэн 34 дьиэ тутуллубута. Муоста тутуллубута, күөх төлөн, уот ситимнэрэ, уулусса уота-күөһэ, 7,5 км оптоволокно ситимэ оҥоһуллубуттара. Тыа хаһаайыстыбатын тутуулара чөлүгэр түһэриллибиттэрэ, тоҕус хотон, ол иһигэр «Атамай» бааһынай хаһаайыстыбатыгар 100 төбө сүөһүнү туруорар комплекс тутуллубуттара.

СӨ Ил Дарханын уонна Бырабыыталыстыбатын пресс-сулууспата.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -15°C
  • Ощущается: -22°Влажность: 47% Скорость ветра: 4 м/с

Сообщить об опечатке

Текст, который будет отправлен нашим редакторам: