Атамайга — сэргэх тэрээһиннэр

Атамайга элбэх хайысхалаах кииҥҥэ сэргэх тэрээһин буолла.

Тэрээһин бастакы чааһыгар Атамай нэһилиэгин түөлбэлэригэр бастыҥнары чиэстиир «Сыл бастыҥнара — 2025» ааттаннылар. Ол курдук, «Бастыҥ салайааччы» – Габышев Геннадий Иннокентьевич, «Бастыҥ идэлээх» – Аввакумов Альберт Анатольевич, «Бастыҥ урбаанньыт» – Федоров Валерий Иванович, «Бастыҥ кэтэх хаһаайыстыбалаах» – Айталина Ивановна, Кирилл Макарович Ефремовтар, «Бастыҥ устудьуон» – Ефремов Кеша, «Бастыҥ уопсастыбанньык» — Яковлева Анна Максимовна, «Бастыҥ спортсмен» – Жирков Констан Константинович, «Бастыҥ үөрэнээччи» – Филиппов Савелий, «Бастыҥ учуутал» – Алексеева Лидия Захаровна, «Бастыҥ дьиэ кэргэн» – Раиса Кирилловна, Борис Леонидович Ивановтар буоллулар. Ону тэҥэ Суханов Эрэл Иннокентьевич, Ковров Никифор Никифорович, Попова Нонна Максимовна, Аввакумова Марина Афанасьевна махтал суругунан наҕараадаланнылар. «Вместе к Победе» тэрийэр кэмитиэт пуорумун аатыттан наҕараадалары туттулар Ефремова Варвара Ефимовна уонна Ефремова Саргылаана Николаевна.

Тэрээһин иккис чааһыгар «Саҥа дьыл тыына» диэн тэрилтэлэр икки ардыларынааҕы куонкурус үрдүк таһымнаахтык ыытылынна. Куонкурус түһүмэхтэринэн буоллулар остуоруйаны аныгылыы уларытан көрдөөх оҥоруу уонна аан дойду араас омуктарын үҥкүүтэ. Күрэскэ кыттыыны ыллылар В.Д. Лонгинов аатынан Атамай орто оскуолатын кэлэктиибэ («Морозко», «Индия үҥкүүтэ»), «Атамай нэһилиэгэ» тыа сирин түөлбэтин дьаһалтата, Атамайдааҕы модельнай бибилэтиэкэ уонна «Сахатранснефтегаз» холбоһуктаах кэлэктиибэ («Колобок» остуоруйа, «Мексиканскай үҥкүү»), «Радуга» оҕо уһуйаанын кэлэктиибэ («Мульти-Пульти планета», «Араас омук үҥкүүтэ»), Атамайдааҕы балыыһа, ОДьКХ уонна Арассыыйа почтата тэрилтэрэр («Репка», «Испанскай үҥкүү»).

«Саҥа дьыл тыына» диэн тэрилтэлэр икки ардыларынааҕы куонкурус икки түһүмэҕин түмүгүнэн I миэстэ буолла — В.Лонгинов аатынан Атамай орто оскуолата, II миэстэ — «Радуга» оҕо уһуйаана, III миэстэ — Атамайдааҕы балыыһа, ОДьКХ уонна Арассыыйа почтата тэрилтэ кэлэктиибэ, IV миэстэни ылла — «Атамай нэһилиэгин» дьаһалтата, Атамайдааҕы модельнай бибилэтиэкэ уонна «Сахатранснефтегаз» ХТ.

Бырааһынньыктааҕы дьоро киэһээҕэ Тымныы Моруос Оҕонньор уонна Хаарчаана нэһилиэк дьонун эҕэрдэлээтилэр, киирии билиэтинэн бириис оонньоттулар, ону таһынан «Сыл бэлиэтэ» диэн куонкуруска кыттыбыт Айгылаан Иванов уонна «Радуга» оҕо уһуйаанын «Чуораанчык» бөлөх иитиллээчилэригэр сэмэй бэлэхтэрин туттардылар. Юлиана Иванова, Сахаайа Саввинова тэрээһини үҥкүүнэн киэргэттилэр.

Кыттыыны ылбыт хамаандаларга, күүс-көмө буолбут дьоммутугар, дьүүллүүр сүбэҕэ, успуонсардарга Алена, Альберт Васильевтарга, дьоро киэһээни иилээн- саҕалаан ыыппыт кыргыттарбытыгар Софронова Сардаанаҕа, Саввинова Валерияҕа, куруук көмө буолар ыччаттарбытыгар Максимов Сашаҕа уонна Жирков Петрга «Атамай сынньалаҥ киинэ» аатыттан барҕа махтал тылларын тиэрдэбит.

Бука барыгытыгар бары үтүөнү, кэрэни баҕарабыт. Дьиэ кэргэттэргитигэр иллээх олоҕу баҕарабыт, санаабыт санааҕыт туола турдун, чөл туруктаныҥ, кыайыы-ситиһии арыаллаатын! Инникитин улахан тэрээһиннэри бу курдук бииргэ иилээн-саҕалаан тэрийиэхпит, ыытыахпыт! Саҥа сылынан!🎊

Альберт Аввакумов

Хаартыскаларга Розалия Иванова түһэриитэ.

Атамай, Горнай.