Атамайга спорт уонна патриотизм бырааһынньыга

Горнай улууһугар Атамайга спортивнай күрэхтэһиилэргэ, тэрээһиннэргэ ыччаттар, олохтоохтор көхтөөхтүк кытталлар.

Арассыыйаҕа Аҕа дойдуну, Саха сиригэр Ийэ дойдуну көмүскээччилэр, Горнай улууһугар Инфраструктураны сайыннарыы сылларынан нэһилиэкпитигэр дартс күрэхтэһиитэ буолла. Манна 12 киһи кытынна.  Ыалдьыттар эмиэ үөрүүнэн күрэхтэстилэр. Манна бары сатабылларын, үөрүйэхтэрин көрдөрдүлэр, сүбэ-ама буоллулар. Уоттаах-күөстээх күрэхтэһии кэнниттэн кыайыылаахтар быһаарылыннылар.

Эр дьоҥҥо кыайыылаахтарынан буоллулар:
Захаров Савва Саввич (Үөһээ Бүлүү), Степанов Семен Владиславович (Горнай), Алексеев Артем Геннадьевич (Өлөөн).

Дьахталлар ортолоругар кыайыылаахтар буоллулар:
Аввакумова Юлия Геннадьевна (Горнай), Семенова Любовь Константиновна (Горнай), Дмитриева Анна Викторовна (Горнай).

Тэрийээччилэр күрэхтэһиини өйөөбүт, спонсордаабыт Иванов Степан Викторовичка, Максимов Александр Васильевичка, Лукин Давид Алексеевичка (Бэрдьигэстээх), Иванов Федор Романовичка (Орто Сурт) махтаналлар. Кинилэр өйөбүллэрэ, көмөлөрө тыа сиригэр успуорт сайдыытыгар уонна чөл, чэгиэн олоҕу тарҕатыыга улахан суолталаах.

Валентина Яковлева

Альберт Аввакумов хаартыскаларга түһэриитэ