Атамайга субуотунньуктаатылар (ВИДЕО)

Горнай улууһугар Атамайга олохтоохтор баччаларынан күргүөмүнэн тахсан субуотунньуктуур үтүө үгэстээхтэр.

Бу ураты тыыны, сэргэхсийиини, сүргэ көтөҕүллүүтүн биэрэр. Манна оҕолор кытары үөрүүнэн кытталлар, көмөлөһөллөр.

Нэһилиэктэрин өрө тардаллар, бөҕү-сыыһы хомуйаллар, өрөмүөннүүллэр, кырааскалыыллар, нэһилиэктэрин иһин тупсараллар, киэргэтэллэр. Бииртэн-биир тэрилтэ сыл ахсын хайаан да ураты көрүҥнэнэригэр, болҕомтону тардар буоларыгар кыһаллаллар.

Быйыл Улуу Кыайыы 80  сылынан, сүбэнэн сибэкки арассаадатын арааһын аҕаллылар, Кыайыы болуоссатын тупсардылар, сибэккинэн симээтилэр.

Валентина Яковлева,

Атамай, Горнай.

Хаартыскаҕа түһэрдэ, видеоҕа уһулла: Татьяна Алексеева.