Хаартыска -- Валерия Атласова тиксэриитэ.
“Таврида.Арт” араас омук ускуустубатын бэстибээлэ Крымҥа кэрэ көстүүлээх Капсел бухтатыгар икки күн устата буолла.
Манна дойду араас эрэгийиэннэриттэн араас идэлээх чаҕылхай ыччат — талааннаах артыыстар, худуоһунньуктар, дизайнердар, блогердар, асчыттар уонна да атыттар кыттыыны ыллылар. Суолталаах тэрээһиҥҥэ Саха сириттэн “Атласовтар уһаайбалара” туризм этнографическай комплексын хаһаайыттара Николай уонна Валерия Атласовтар оҕолорун кытары кытыннылар. Крымҥа ыытыллыбыт “Таврида.Арт” бэстибээлгэ Саха сирин аатын доҕоонноохтук ааттаппыт Атласовтар уһаайбалара” туристическай этнокомлекс дириэктэрэ Валерия Атласова сонунун кытта бу курдук үллэһиннэ.
— Бэстибээл 2024 сылга Арассыыйаҕа биллэриллибит Дьиэ кэргэн сылыгар ананна. Тэрээһиҥҥэ Арассыыйа эрэгийиэннэригэр олорор норуоттар култуурунай баай нэһилиэстибэлэрин аныгы үйэ кэм олоҕунан сырдаттылар. Биһиги дьиэ кэргэн, аҕабыт Николай Атласов дойду таһымыгар бренд-асчыт быһыытынан биллэр буоллан, “Арассыыйа амтана” гастрономическай эйгэҕэ кыттыыны ыллыбыт.
Бэстибээлгэ “Арассыыйа гастрономическай каартата” бырайыак эдэр асчыттарын хамаандата ыалдьыттары уонна кыттааччылары дойду араас муннугуттан кэлбит эдэр асчыттар дьиэ кэргэттэрин кытта бэйэлэрин дойдуларын аатырбыт аһын астаан көрдөрдүлэр. Менюга бурятскай бууза, осетинскай бэрэски, курник, нуучча блиныта, удмуртскай бурдук ас көрүҥэ, быһата, араас омук аһын ааттыы туруохха сөп. Биһиги аҕабыт “визиткатын” — чыыр балыгы кыһан, “Индигирка” салаатынан күндүлээтибит. Тэрээһиҥҥэ кыттарбытыгар араас «төгүрүк остуолларга», маастар-кылаастарга кыттыыны ылан, билиибитин хаҥаттыбыт.
Арассыыйа 20 эрэгийиэниттэн гастрономическай бырайыактар ааптардарын, шеф-асчыттарын хамаандатын “Арассыыйа гастрономическай картата” Бүтүн Арассыыйатааҕы бырайыак ааптара Екатерина Шаповалова салайан илдьэ сырытта.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…