Сарсын, ыам ыйын 26 күнүгэр, бэлиэтэнэр Арассыыйа урбаанньыттарын күнүн чэрчитинэн «Атласовтар уһаайбалара» этнографическай туризм комплексыгар Дьиэ кэргэн сылыгар анаммыт «Күөххэ үктэнии» дьиэ кэргэн бэстибээлэ аан бастыкытын ыытылынна.
Икки көлүөнэ Атласовтар урбаанньыт ыаллар буолалларын быһыытынан, саха аһын-үөлүн араас омук дьонугар билиһиннэрбиттэрэ ыраатта. Василий уонна Валентина Атласовтар уоллара Николай бренд-пуобар диэн ааттанан-суолланан, билигин Арассыыйа эрэгийиэннэригэр ыытыллар гастронномическай бэстибээллэргэ бэйэтин уопутун тарҕатан, Саха сирин аатын дорҕоонноохтук ааттатар маастарынан буолла. Урбаан ыал хаһаайката Валентина Атласова уотун аһатан, суолталаах тэрээһини арйыан иннинэ дьиэ кэргэнинэн урбаан эйгэтигэр хайдах кэлбиттэрин билиһиннэрдэ.
Киирии тылын кэнниттэн Атласовтар ийэлэрэ аал уотун аһатан, ыалдьыттарыгар күөххэ үктэнии алгыһын түһэрдэ. Ол кэнниттэн СӨ «Ыалдьытымсах буолуу» ассоциациятын салайааччыта Татьяна Тымырова «Атласовтар уһаайбалара» бренд-асчытыгар Николай Атласовка тылы биэрдэ.
Сотору буолаат, «Ньукуолун сандалыта» тардыллан, Атласовтар ыалдьыттарын сахалыы сэлиэйдээх кус миининэн күндүлээтилэр. Ыалдьытымсах дьиэ кэргэн уһаайбаларыгар кэлбит ыалдьыттарыгар саха аһын арааһын астаан амсаттылар.
Дьон «Күөххэ үктэнии» бэстибээли олус астынна.
Урбаанньыттар креативнай нэдиэлэлэрин Атласовтар уһаайбаларыгар буолбут «Күөххэ үктэнии» бэстибээлэ олус чаҕылхайдык арыйда.
Дьокуускайга Стадухина уулуссаҕа 14 саастаах уолу кырбаабыт 45 саастаах эр киһиэхэ холуобунай дьыала тэрилиннэ. Бу…
Алтынньы 18 күнүгэр Саха Өрөспүүбүлүкэтин Ил Дархана Айсен Николаев уонна СӨ Судаарыстыбаннай Мунньаҕын (Ил Түмэн)…
Ааспыт нэдиэлэттэн Арассыыйа үрдүнэн ордук үрүҥ ас сыаната үрдээтэ. Алтынньы 8-14 күннэригэр дойдуга сыана хайдах…
“Саха сирэ” хаһыат бүгүн ”Тыа сирэ - уйгу төрдө” диэн анал таһаарыылаах таҕыста. Анал сыһыарыыны…
Саха сиригэр хаһаайына суох бэйдиэ сылдьар кыыллары иитии тэрээһиннэригэр үбүлээһини улаатыннаран, 100 мөл. солк. диэри тиэрдэр…
Социальнай харысхал өрөспүүбүлүкэтээҕи комплекснай киинэ Донбасска Хотугулуу-илиҥҥи көмөнү уонна өйөбүлү оҥоруу пуондатыгар ПАЗ-32054 оптуобуһу туттарда.…