Бу күннэргэ Саха сирин Киин быыбардыыр хамыыһыйатыгар «Атмосфера» Бүтүн Арассыыйатааҕы куонкурус Саха сиринээҕи түһүмэҕэр быыбардыыр бырассыас уонна быраап боппуруостарыгар бастаабыттары наҕараадалатылар.
Куонкурус кыттыылаахтарын Киин быыбардыыр хамыыһыйа бэрэсэдээтэлэ Евгений Федоров эҕэрдэлээтэ уонна дипломнары, өйдөбүнньүк бэлэхтэри туттарда.
Эрэгэйиэннээҕи түһүмэххэ барыта аҕыс үлэ киирбитэ:
«Творческай циклон» аакка икки видеоролик «Эн куолаһыҥ – эн инникиҥ» Амана Аввакумова, Айаана Захарова, Анна Нестерова уонна «Биһиги талбыт киһибит туһугар эппиэтинэһи сүгэбит» Амгалана Алсыева, Софья Мальцева, Ефим Попов кэллэктиибинэй үлэлэрэ киирдилэр.
«Биһиги инникибитин талабыт» – түөрт научнай үлэ киирдэ: «Быыбардар уонна ол туһунан барытын билэр наада. Мөлтөхтүк көрөр уонна көрбөт дьоҥҥо босуобуйа» Андрей Афанасьев, Гаврил Григорьев, Мичил Моисеев, «Уопсай үөрэхтээһин оскуолаларыгар үөрэнэр үрдүкү кылаас оҕолоругар үөрэтэр босуобуйа» Евдокия Болтунова, Мичээрэ Макарова, Наталья Овчинникова, «Арассыыйаҕа субъектар баһылыктарын быыбара Саха сирин холобуругар» Айаан Захаров, «Саха сирин инники быыбардааччыларын быыбарга сыһыаннара» Анна Софронова, Прасковья Дорофеева, Анастасия Евдокимова үлэлэрэ киирдилэр.
«Методстанция» аакка икки үөрэтэр бырайыак – «Быыбардыыр бырассыас» тиэмэҕэ практикум хомуурунньуга» Елена Азарова уонна «Арассыыйаҕа быыбар историята уонна гражданнар дойду бэлитиичэскэй олоҕор сыһыаннара» Ксения Каргаполова үлэлэрэ киирдилэр.
Мантан алта үлэ эһиил саас Москаҕа ыытыллыахтаах «Атмосфера» Бүтүн Арассыыйатааҕы куонкурус түмүктүүр түһүмэҕэр ыытылыннылар.
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…
Ахсынньы аам-даам тымныытын билиммэккэ, эмиэ айаҥҥа туруннубут. Бу сырыыга массыынабыт багажнигар көннөрү бакыаттар буолбакка, кимнээх…
Саха сиригэр "Уоту сэрэт – АДПИ туруор!" диэн дьиэҕэ буруо таҕыстаҕына сэрэтэр сигнализацияны туруоруу хампаанньата…
Ахсынньы 18 күнүттэн Дьокуускай куорат «Лена», «Синема», «Центральнай» уонна өрөспүүбүлүкэ үрдүнэн тарҕанан олорор «Сахафильм», «Экстра…