Сунтаар Хаданыттан Монголияҕа атынан баран иһэр айанньыттар Роман Попов уонна Геннадий Пустоляков Бурятияҕа Новый Уоян сэлиэнньэни ааһан, Кумора сэлиэнньэтигэр чугаһаан иһэллэр. Онно баран иһэн, дьикти «саламаны» көрбүттэр.
Биллэрин курдук, Бурятияҕа эмиэ ойууннааһын, буддизм итэҕэллээх буоланнар, маска салама ыйыыр үгэстээхтэр. Ол эрээри, бу дьикти «салама» эбит. Айаҥҥа эҥин араас баар буолар ээ. Ол да иһин интэриэһинэй буоллаҕа. Бу маска айанньыт кэрэ аҥаардар ис таҥастарын устан ыйыыллар эбит…
Билигин Бурятияҕа эмиэ көмүс күһүн кэлэн турар. «Иккитэ улаханнык тоҥоро сырытта, инчэҕэй хаар түстэ», — диэн айанньыттар телеграм-ханаалларыгар кэпсээтилэр. Кинилэр үксүгэр сиргэ-уокка балаакканан түһэн, хоно сылдьаллар.
Аттарын аһаталларыгар кыһалҕалары көрсөллөр. Ат сиир ото суох, хонууга, күөлгэ кэлбиттэрэ, бар сэтиэнэх буолан хаалан, хомотор. Билигин хайалаах сиринэн барыахтаахтар, онон ат аһылыга көстөрө эмиэ күчүмэҕэйдэрдээх буолара буолуо.
Салгыы Курумкан сэлиэнньэтигэр, онтон Байкал чугаһынааҕы Баргузин куоракка тиийиэхтээхтэр. Улуу Байкал күөлү соҕуруулуу-илиҥҥи өттүнэн эргийэ барыахтаахтар.
Кинилэр Хадантан атырдьах ыйын 15 күнүгэр арахпыттара. Кинилэр саха атын тургутар сыаллара суох, өбүгэлэрэ айаннаабыт суолларын, олорбут сирдэрин чинчийэр баҕалаахтар. Былыр Бүлүү улуустарын сахалара Бодойбоҕо (Тайҕаҕа) тахсан эргинэллэрэ, таһаҕас таһаллара. Бу кинилэр сылдьыбыт аҕай суолларын омоонун булан, аныгы дьон бэйэлэрин тургуталлар. Салгыы Улуу Солко суолунан түҥ былыр өбүгэлэрбит олоро сылдьыбыт сирдэригэр, Байкалга, Монголияҕа тиийэр былааннаахтар. Үс ыйынан эргиллэн кэлэргэ суоттаналлар. Кэлэллэригэр кыһын буолан, массыынаҕа тиэллиэхтээхтэр.
Бүгүн, алтынньы 5 күнүгэр, Горнай улууһун Атамай нэһилиэгэр аныгылыы тутуулаах саҥа оскуоланы үөрүүлээх быһыыга-майгыга астылар.…
Бэҕэһээ, алтынньы 4 күнүгэ, Нам улууһугар Амма улууһун баһылыгын социальнай боппуруостарга солбуйааччыта Ньургуйаана Илларионова салайааччылаах…
Саха сирин эдэр блогера Айыына Кожурова «Блогема» бөлөх лидердэрин бириэмийэтигэр номинацияланна. «Бастыҥ оҕо блогера» номинацияҕа…
Элбэх оҕолоох ыаллар чэпчэтиинэн туһаныылара судургутуйда диэн Үлэ министиэристибэтэ иһитиннэрэр. «Госуслуги» мобильнай сыһыарыытыгар баар QR-куодунан…
Бастатан туран, кирэдьиит болдьоҕун улаатыннарыы суотугар ыйдааҕы төлөбүрү аччатыахха сөп диэн эспиэрдэр сүбэлииллэр. «Ипотеканы төлөөһүҥҥэ…
Өссө биир Саха сирин байыаһа Арассыыйа Дьоруойун «Кыһыл көмүс Сулуһа» мэтээл хаһаайынынан буолла. Саҥа дьоруойунан…