https://pxhere.com/ru
Былырыын от ыйын бүтүүтэ ИДьМ сулууспатын Мэҥэ-Хаҥалас оройуонун дьуһуурунай чааһыгар олохтоох дьахтар үҥсүбүт.
25 саастаах эмсэҕэлээччи биллэрбитинэн, ким эрэ кини аатыгар сокуоннайа суох микро-кирэдьиит ылан 11 тыһыынча солкуобайы уорбут. Бу чахчынан полиция оройуоннааҕы салаатын дознавателэ РФ Холуобунай кодексатын 159-с ыстатыйатын 1-кы чааһынан холуобунай дьыаланы тэрийбит.
Саха Өрөспүүбүлүкэтин ИДьМ Холуобунай ирдэбилин управлениетын оперативниктара Мэҥэ-Хаҥалас улууһун полициятын үлэһиттэрин кытта бииргэ командировка кэмигэр ыытыллыбыт көрдүүр үлэ түмүгэр Кемерово куорат урут сууттана сылдьыбыт 22 саастаах олохтооҕун туттулар. Кини сибээс салонугар үлэлиир эбит.
Полиция үлэһиттэрэ быһаарбыттарынан, 2024 сыл ахсынньы бүтүүтэ буруйу оҥорооччу мессенджер нөҥүө 800 солкуобайга сиим-каартаны атыыласпыт, онтуката урут сайабылыанньа биэрээччи аатыгар сылдьар эбит. Нүөмэри холбоон баран, уорбаланааччы кирэдьиит биэрэр тэрилтэ саайтыгар киирэн, дьахтар тус кабинетыгар кини аатыттан кирэдьиит ыларга сайаапка биэрбит. Виртуальнай каартатыгар харчыны ылан баран, эдэр киһи ас сакаастааһыныгар, тааксыга, электроннай табах атыылаһыытыгар туттубут, ону тэҥэ стримергэ «донаат» ыыппыт уонна криптовалютаҕа угуммут, диэн ИДьМ пресс-сулууспата суруйар.
Олунньу 14 күнүгэр Кэбээйи сэлиэнньэтигэр Надежда Софронеева кэриэһигэр "Большие танцы" улуустааҕы үҥкүү күрэхтэһиитэ буолла. [gallery…
Бэҕэһээ, Таатта улуһуттан байыаннай дьайыыга кытта сылдьар биһиги буойуннарбытыгар анаммыт көмө Дьокуускай куоракка волонтер Светлана…
Быйыл тохсунньуга хааччах киирбитин кэннэ, Саха сирин маҕаһыыннарыгар 1500 кэриҥэ бобуллубут «Nestle» бородууксуйата булулунна. Уопсайа…
Саха сиригэр «Байыаннай дьайыы туһунан биир хоһоон бэстибээлэ» диэн хоһоон ааҕааччыларын күрэстэрэ ыытыллар. Быйыл дьүүллүүр…
Кулгаахтарынан мөлтөхтүк истэр күрэсчиттэр икки ардыларыгар греко-римскай тустууга Арассыыйа бастыыр иһин күрэхтэһиитигэр Саха сирин бэрэстэбиитэллэрэ…
2025 сыл ахсынньытыгар үлэлээбэт аҕам саастаахтар биэнсийэлэрин орто кээмэйэ 23 996 солкуобайга тэҥнэстэ, бу сыл…