Атын киһи каартатын туһанан, 70 тыһ.солк. арыгы атыыласпыт

Ньурбатааҕы холуобунай ирдэбил үлэһиттэрэ 70 тыһ.солк. тахса харчыны уорууга эрдэ сууттана сылдьыбыт 37 саастаах киһи уорбаланарын быһаардылар диэн СӨ ИДьМ пресс-сулууспата иһитиннэрэр.

Быһаарыллыбытынан, эмсэҕэлээччи ыалдьыттары ыҥыран, чааһынай дьиэҕэ арыгылаабыттар. Арыгылара бүппүтүгэр, эр киһи каартатын уорбаланааччыга биэрэн, арыгы атыылаһарыгар көрдөспүт. Онуоха анараа киһи дьааһыгынан арыгы атыылаһан баран, атын киһини кытта иһэ барбыт.

Профилактическай кэрийии кэмигэр полиция үлэһиттэрэ биир кураанах дьааһыгы булбуттар. Уорбаланааччы арыгы атыылаһарыгар 70 тыһ.солк. тахса харчыны бараабыт.

Уоруунан холуобунай дьыала тэрилиннэ.