Атын киһи каартатынан туһаммыт дьахтары туттулар

Дьокуускайга полиция  2-с нүөмэрдээх отделыгар баан каартатын сүтэрбит эр киһиттэн сайабылыанньа киирбит. Ол курдук сүтэрбит каартатыттан   11 тыһ. солк. уорбуттар.  

Суһал-ирдиир үлэ кэмигэр холуобунай ирдэбил үлэһиттэрэ сүппүт каартаттан харчыны уорууга уорбаланар дьахтары быһаарбыттар. Ол курдук  26 саастаах  Кыргызстаан Өрөспүүбүлүкэтин олохтооҕо эбит.

Дьахтар баан каартатын булбут уонна  11 тыһ. солк. ону-маны атыыласпыт.

Билигин дьахтарга РФ Холуобунай кодексын 158 ыст. 3 чааһынан холуобунай дьыала көбүтүлүннэ.