Хаартыска: ЯСИА
Аллара Халыма оройуонун полицията урут сууттана сылдьыбыт дьон атын киһи каартатыттан 70 тыһыынча солкуобай кэриҥэ харчыны туттубуттарын туппут.
Биллэн турар, үгүс буруйу оҥоруу итирдэр утаҕы иһиини кытта сибээстээх. Ол түмүгэр атын киһи баайын-дуолун уорарга туруналар. Маннык түгэн Аллараа Халымаҕа бэлиэтэннэ.
Арассыыйа ИДьМ Аллараа Халыма оройуонунааҕы дьуһуурунай чааһыгар эр киһи уоруу туһунан үҥсүбүт. Кини быһаарбытынан, кимэ биллибэт киһи кини баанын каартатын уоран ылан, 70 000 кэриҥэ харчытын матайдаабыт.
Холуобунай ирдэбил үлэһиттэрэ буруйдаахтары ир суолларын ирдээн булбуттар. Бу дьон сайабылыанньа түһэрбит киһи аллар атастара – 34 уонна 43 саастаах эр дьон. Урут суутана сылдьыбыттар.
Хомойуох иһин, сүтүктэммит киһи бу дьону кытта бииргэ дьиэтигэр арыгылаабыт. Эр киһи маҕаһыынтан арыгыта аҕалыҥ диэн баанын каартатын уларсыбыт. Маҕаһыынтан кэлбит атастара каартатын төннөрбөтөхтөр. Уонна ити кэннинээҕи күннэргэ арыгы иһээрилэр доҕордорун каартата кинилэргэ баарын саныы биэрбиттэр. Бу каартанан арыгы уонна бородуукта атыыласпытар, 70 000 солкуобайы туттубуттар.
Арассыыйа Федерациятын Холуобунай кодексын 158 ыст. 3 ч. “Уоруу” диэн холуобунай дьыала көбүтүлүннэ. Онон көҥүллэрэ 6 сылга диэри быһыллыан сөп.
ИДьМ Саха Өрөспүүбүлүкэтигэр пресс-сулууспата
«РИК» бөлөх хампаанньата көмүс уонна хорҕолдьун хостооһунугар, суол уонна хапытаалынай тутууга үтүө көрдөрүүлэри ситистилэр. Кинилэр…
2025 сыл ахсынньы 15 күнүгэр Дьокуускай 202-с микро-оройуонугар куорат уонна чугастааҕы ыччат көрсүһэр, кэпсэтэр сирэ…
Арассыыйаҕа кэлэр сылга хомунаалынай өҥөлөр иһин төлөбүр тохсунньу 1 уонна алтынньы 1 күннэригэр үрдүөҕэ. Бу…
Азсынньы 19 күнүгэр Владимир Путин 4 чаас 27 мүнүүтэ устата ыыппыт быһа эпииригэр уонна пресс-кэмпириэнсийэтигэр…
Саха Өрөспүүбүлүкэтин суут бириистэптэрин сулууспатын управлениетыгар икки сааһын ситэ илик оҕотун иитиитигэр алименнары төлөөбөтөх дьахтар…
Кэнники кэмҥэ дьон куораттан, улуустар кииннэриттэн тыа сиригэр көһөн тахсар буолла. Кинилэр үгүстэрэ маннык быһаарыныыны…