Атын киһи пааспарынан кирэдьиит оҥотторбут
12.02.2023, 16:30
Хаартыскаҕа Ульяна Захарова түһэриитэ.
Бөлөххө киир:
Дьокуускай куорат 3 №-дээх полиция салаатыгар куорат олохтооҕо үҥсүү түһэрбит. Кини аатыгар кирэдьиит оҥотторбуттарын иһитиннэрбит.
Эмсэҕэлээччи соторутааҕыта пааспарын сүтэрбитин эппит. Суһал көрдөөһүн түмүгүнэн, холуобунай ирдэбил үлэһиттэрэ 33 саастаах урут сууттана сылдьыбыт киһини булбуттар. Онно биллибитинэн, уорбаланааччы дьиэ подьеһыгар пааспар булан ылбыт уонна бэйэтин пааспарга баар хаартыскаҕа майгынната көрөн, туһанарга санаммыт. Кини атын киһи пааспарынан 69 тыһыынча солкуобайы онлайн-кирэдьиит оҥотторон тэлэбиисэр атыыласпыт.
Арассыыйа Федерациятын холуобунай кодексатын 159 ыст.1 чааһынан «Түөкүннээһин» диэн холуобунай дьыала тэриллибит.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: