Атырдьах ыйыгар оҕолорго анаммыт туох төлөбүр көрүллэрий?

Атырдьах ыйыгар Арассыыйа олохтоохторо хас да социальнай төлөбүрү ылыахтара, ол иһигэр сороҕо федеральнай сокуоҥҥа сөп түбэһиннэрэн үрдэтиллиэҕэ. Бу испииһэккэ оҕо күүтэр дьахталларга үрдэтиллибит төлөбүрдэр уонна да атын төлөбүрдэр көрүллэллэр. Бу төлөбүрдэр туһунан URA.RU суруйар.

Оҕолорго үрдэтиллибит кээмэйдээх төлөбүрдэр

Биир кэлим босуобуйаны ылар быраап 17-гэр диэри саастаах оҕолордоох кыаммат төрөппүттэргэ, көрөөччүлэргэ (опекуннарга) уонна иитэ ылбыттарга бэриллэр. Сокуонунан бигэргэммит ирдэбилинэн, төлөбүргэ көрдөөччү РФ гражданина буолуохтаах, дойду сиригэр-уотугар пропискалаах буолуохтаах, оттон ыал биир киһитигэр тиксэр орто дохуота сайабылыанньа биэрэр кэмҥэ эрэгийиэҥҥэ бигэргэтиллибит киһиэхэ тиийинэн олорор алын кээмэйиттэн үрдүк буолуо суохтаах. Босуобуйа Социальнай пуондаҕа сайабылыанньа бэриллибитин кэннэ сыл устата ый ахсын төлөнөр. Босуобуйа кээмэйэ оҕоҕо анаан олохтоммут олорор тиийинэн олоруу алын кээмэйиттэн 50%, 75% эбэтэр 100% буолуон сөп.

Кыаммат оҕо күүтэр дьахталларга төлөбүрдэр

Биир кэлим босуобуйаны ылар быраап кыаммат оҕо күүтэр дьахталларга, хат буолууларын 12-с нэдиэлэтигэр диэри дьахтар консультациятыгар учуокка турбут буоллахтарына бэриллэр. Төлөбүрү оҥотторорго сайабылыанньа биэрээччи РФ гражданина буолуохтаах уонна дойду сиригэр-уотугар пропискалаах буолуохтаах. Ону таһынан, ыал биир киһитигэр тиксэр орто дохуота сайабылыанньа биэрэр кэмҥэ эрэгийиэҥҥэ олохтоммут киһиэхэ тиксэр тиийинэн олоруу алын кээмэйиттэн намыһах буолуохтаах. Босуобуйа суумата тус-туһунан быһаарыллар уонна өрөспүүбүлүкэҕэ үлэлиир кыахтаах нэһилиэнньэҕэ олохтоммут тиийинэн олоруу алын кээмэйиттэн 50%, 75% эбэтэр 100% буолуон сөп. Босуобуйа Социальнай пуондаҕа сайабылыанньа бэриллибитин кэннэ сыл устата ый ахсын төлөнөр.