Атырдьах ыйыгар төрөөбүттэр

Бэлиэлэрэ — ардах.

Эр киһи

Дохсун ардах бэлиэлээх эр киһи — айылҕаттан байанайдаах булчут. Кини дириҥ өйүнэн, күүстээх санаатынан ханнык баҕарар идэни толору баһылыыр кыахтаах. Эрчимнээх, дохсун, олус өһөс майгылаах, баҕарбыт санаатын ситэн тэйэр. Кыыһырдаҕына, иннин биэрбэт, охсуһарга да бэлэм. Таптал сыһыаныгар  сонумсах соҕус, онон тус олоҕор уустуктары көрсүөн сөп.

Дьахтар

Минньигэс астаах, ыраас туттуулаах, дьиэ үлэтин барытын сатыыр, кытаанах майгылаах дьахтар үтүөтэ, бастыҥ хаһаайка. Сырдык өйдөөх, күүстээх санаалаах. Санааҕа-онооҕо ыллардаҕына, туора дьоҥҥо биллэрбэт. Иччилээх түүллээх, өтө көрөр дьоҕурдаах, батыһа сылдьар иэйэхситтээх.

Саха ыалын халандаара, 2024  сыл.

«Айар» кинигэ кыһата.