“Атырдьах ыйыгар — ыраах сиргэ”

Амма улууһуттан бааһынай хаһаайыстыбалаах Егор Кузьмин быйыл окко эрдэ киирбитэ эрээри, ардах мэһэйдээн, ыарахаттары көрүстэ. Егор Николаевич Аллараа Бэстээххэ тыраахтарыгар саппаас чаас ыла сылдьан кылгастык маннык кэпсээтэ:

— Былырыын бэс ыйын 15 күнүгэр түспүт буоллаҕына,  быйыл субсидиябыт саҥа түстэ. Онон эмиэ кыратык тардылла сырыттыбыт. Билиҥҥи туругунан уопсайа 24 т оту соҕотуопкалаатыбыт. Бүгүн икки буочука сэлээркэ ылыам, ааспыкка ылбыппытын бүтэрдибит. Билигин дэриэбинэттэн 2-3 км тэйиччи оттуубут. Атырдьах ыйыгар ыраах сирбитигэр барыахпыт.

Хаартысканы: Е.Кузьмин ыытта.