Атырдьах ыйын 1 күнэ: быстах, сорох сиринэн этиҥнээх ардах

Саха сиринээҕи УГМС саайта иһитиннэрбитинэн, бүгүн, атырдьах ыйын 1 күнүгэр, өрөспүүбүлүкэ хотугулуу-илин өттүгэр, соҕуруу оройуоннарыгар, киин улуустар сорох сирдэринэн, күнүс хотугулуу-арҕаа улуустарга быстах ардахтыыр, сорох сиринэн этиҥнээх ардах түһүөҕэ.

Анаабыр, Булуҥ улуустарыгар ардыыр, ардыгар күүстээх самыыр түһүэрэ күүтүллэр. Сиккиэр тыаллаах, этиҥнээх ардах кэмигэр силлиэ тыал сөкүүндэҕэ 15-20 м. тиийэ күүһүрүөҕэ.

Салгын температурата түүн +10…+15°, хотугулуу-арҕаа +2…+7°, күнүс +19…+24°, арҕаа улуустарга +23…+28°, Халымаҕа +31° кыраадыска диэри сылыйыа, оттон Арктика улуустарыгар +9…+14° кыраадыс буолуоҕа.

Дьокуускайга быстах ардахтыыр, тыала хотугулуу-илинтэн сөкүүндэҕэ 4-9 м. түргэннээх. Салгын температурата түүн +14…+16°, күнүс +21…+23° кыраадыс сылаас.