Атырдьах ыйын 1 күнүттэн биэнсийэ үрдүөҕэ
Арассыыйаҕа атырдьах ыйын 1 күнүттэн 2023 сылга үлэлээбит дьон биэнсийэтэ страховой чааһа үрдүөҕэ. Онуоха бу ааҕыы (перерасчет) ыларга Социальнай пуондаҕа тиийэр ирдэммэт. Биэнсийэҕэ эбилик төлөбүрү кытта тэҥҥэ түһүөҕэ. Бу туһунан «Российская газета» суруйар.
Ол курдук, былырыын үлэ биэрээччилэр страховой усунуоһу төлөөбүт буоллахтарына, аҕам саастаахтарга уонна инбэлииттэргэ биэнсийэ эбиллиэҕэ. Итини таһынан иитэр киһитин сүтэрбиттэргэ биэнсийэлэрэ эмиэ улаатар.
Социальнай пуондаҕа быһаарбыттарынан, үлэлиир биэнсийэлээхтэр төлөбүрдэрин үрдээһинэ хамнаһыттан тутулуктаах. Хамнаһа төһөнөн үрдүк да, соччонон эбилик төлөбүр үрдүк буолуоҕа. Ол эрээри, муҥутуур эбиллии үс биэнсийэ коэффициенын куоһарар кыаҕа суох. Онуоха Социальнай пуонда чуолкайдыырынан, коэффициент сыаната биэнсийэ ханнык сылтан оҥоһуллубутуттан тутулуктаах. 2024 сылга биир биэнсийэ коэффициенын кээмэйэ 133,05 солк.
Санаттахха, 2025 cылтан үлэлиир биэнсийэлээхтэр биэнсийэлэрэ сылга иккитэ индексацияланар буолуоҕа. Олунньу 1 күнүгэр инфляция таһымынан көрөн уонна муус устар 1 күнүгэр хамнас үрдүүр таһымынан үрдүөҕэ.
Сообщить об опечатке
Текст, который будет отправлен нашим редакторам: