Хаартыска: ЯСИА
Атырдьах ыйын 1 күнүттэн хас да категориялаах гражданнар биэнсийэлэрэ улаатар, диэн РФ Бырабыыталыстыбатын иһинэн үлэлиир Үп-харчы университетын доцена Игорь Балынин «Прайм» ааҕыныстыбаҕа иһитиннэрдэ.
Бастатан туран, от ыйыгар 80 саастарын туолбут эбэтэр I группалаах инбэлиит буолбут дьон биэнсийэлэригэр олохтоммут төлөбүр кээмэйэ улаатар. Суумма олохтоммут төлөбүр икки төгүл улаатарын (+8 907,70 солк.) уонна көрүү-харайыы иһин эбии төлөбүр киирэрин (+1 314 солк.) суотугар үрдүөҕэ.
Өскөтүн от ыйыгар төлөбүр 8 907,70 солк. эбит буоллаҕына, атырдьах ыйыттан 19 129,40 солк. диэри улаатыа.
«Ону таһынан, 2024 сылга үлэлээбит биэнсийэлээхтэр страховой биэнсийэлэрин кээмэйэ сайабылыанньата суох чопчуланыа. Бу категориялаах биэнсийэлээхтэргэ саастарынан страховой биэнсийэ улаатыытын муҥутуур сууммата 437,07 солкуобай буолуоҕа», — диэн эспиэр эбэн эттэ.
Үрдээһин ону тэҥэ муниципальнай биэнсийэни уонна болдьохтоох биэнсийэ төлөбүрүн ылар страховкалаах дьону эмиэ таарыйар. Улаатыы сүрүн төрүөтүнэн биэнсийэ мунньуллуутун инвестициялааһынтан киирэр дохуот буолар.
Балынин этэринэн, төлөбүрдэр автоматическайдык чопчуланыахтара, онон сайабылыанньа суруйар ирдэммэт. Маны таһынан, атырдьах ыйын 1 күнүттэн гражданскай авиация салгын суудуналарын летнай экипажтарын чилиэннэрин биэнсийэлэригэр эбии төлөбүр улаатыа. Эбии төлөбүрү ыларга 25 сылтан итэҕэһэ суох сулууспалаах эр дьон уонна 20 сылтан итэҕэһэ суох сулууспалаах дьахталлар ылар бырааптаахтар.
Доруобуйа туругунан үлэттэн уурайдахха, сулууспа сылыгар ирдэбил 5 сылынан кыччыыр: эр дьоҥҥо 20 сылга диэри, дьахталларга 15 сылга диэри. Эбии төлөбүр кээмэйэ хас биирдии киһиэхэ тус-туһунан ааҕыллар. Ону тэҥэ чох бырамыысыланнаһын үлэһиттэрин биэнсийэлэригэр эбии төлөбүр үрдүөҕэ. Бу төлөбүр чоҕу ухостооһуҥҥа эбэтэр шахта тутуутугар 25 сылтан итэҕэһэ суох үлэлээбит дьоҥҥо бэриллэр, оттон хайа үлэһиттэрин эбэтэр проходчиктар курдук сорох категорияларга, ирдэбил 20 сылга диэри кылгыыр. Эбии төлөбүр кээмэйэ тус-туһунан ааҕыллар.
Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…
Киэҥ нэлэмэн хонуу ортотугар араас тиэхиньикэнэн оттуу сылдьар дьону утары көрбүтүнэн тиийдим. Бастаан утаа “уолаттарбын…
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…
Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…
Бүгүн, Арассыыйа бэтэринээрин күнүгэр, бэйэлэрин олохторун бэтэринээрийэ салаатыгар анаабыт дьону ахтан-санаан ааһабыт, үлэлии-хамсыы сылдьар исписэлиистэри…
Шахтер күнүн Нерюнгригэ бэлиэтиир күҥҥэ СӨ Ил Дархана Айсен Николаев өрөспүүбүлүкэҕэ чоҕу хостуур бырамыысыланнаһын бэтэрээннэрин…