Атырдьах ыйын 1 күнүттэн “Саха сирэ, иннин диэки!” өрөспүүбүлүкэтээҕи каадыр куонкуруһугар сайаапкалары ылыы саҕаланар

“Саха сирэ, иннин диэки!” өрөспүүбүлүкэ үгүс салайааччыларыгар сайдалларыгар-үүнэллэригэр көмөлөһөр. “Биһиги сорукпут – хас биирдии киһи дьоһун уонна дьоллоох олохтоноругар сөптөөх усулуобуйаны тэрийии, эрэгийиэммит ситиһиилэрин хаҥатыы, дьон туһугар быһаарыныылары ылыныы. “Саха сирэ, иннин диэки!” – өрөспүүбүлүкэбит уһун болдьохтоох каадырга стратегиятын дьоһун звенотунан буолар каадыр куонкуруһа”, — диэн Саха сирин Ил Дархана Айсен Николаев бэлиэтээн турар.

Куонкурус биир түһүлгэҕэ көхтөөх, талааннаах уонна дьулуурдаах дьону түмэр, 25 бастыҥы өрөспүүбүлүкэ салайар каадырдарын саппааһыгар киллэриэхтэрэ. Ааспыт сыллааҕы түөрт финалист  судаарыстыбаннай былаас уорганнарыгар салайааччы дуоһунаһыгар анаммыта.

Атырдьах ыйын 1 күнүгэр Дьокуускайга “Сахамедиа” өрөспүүбүлүкэтээҕи медиа-кииҥҥэ пресс-кэмпириэнсийэ буолуоҕа, онно тэрийээччилэр куонкурус туһунан сиһилии кэпсиэхтэрэ.

Кыттарга сайаапкаҕытын маннык саайтынан биэриҥ: https://якутиявперед.рф

“Саха сирэ, иннин диэки!” каадыр куонкуруһун сыалынан судаарыстыбаннай уонна муниципальнай былаас, экэниэмикэ уонна социальнай эйгэлэргэ каадырдары сүүмэрдээһин буолар.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.