Атырдьах ыйын 1 күнүттэн суол быраабылалара кытааталлар

Бу сыл атырдьах ыйын 1 күнүттэн Арассыыйаҕа суол бырабыылаларыгар саҥа, өссө кытаанах уларыйыылар киллэриллэллэр.

ГИБДД ыстарааптар үрдүүллэрин уонна бырабылалары кэһии иһин эппиэтинэс күүһүрэрин туһунан иһитиннэрбитэ суоппардар ортолоругар элбэх дьүүллэһиини, ардыгар мөккүөрү таһаарда.

Сүрүн уларыйыылар:

• Түргэн сырыы иһин ыстарааптар улааталлар: 20-40 км/ч аһардахха – 3000 солкуобайга диэри, оттон 60 км/ч тахса аһардахха – 10 000 солкуобайга диэри ыстараап эбэтэр биир сылга быраап быһыллыыта.
• Арыгы иһэн баран эбэтэр наркотиктан итирик туруктаах уруулга олоруу иһин иккиһин тутуллубут буруйдаах икки сылга диэри көҥүлэ быһыллар, массыыната былдьанар уонна холуобунай эппиэтинэскэ тардыллар
• Уруулга олорон мобильнай тэрили туһаныы иһин ыстарааптар үрдүөхтэрэ: гарнитурата суох төлөпүөнүнэн кэпсэтии – 5000 солк. диэри ыстарааптанар, оттон айан кэмигэр планшеты уонна атын гаджеттары туһаныы эмиэ атын ыстарааптар көрүллүөхтэрэ. Иккиһин буруйу оҥорууга суоппар быраабын быһыахтара.
• Кутталы үөскэтэр маневрдар уонна дистанцияны тутуспат буолуу иһин ыстараап 5000 солк.  буолуоҕа, оттон салгыы маннык буруйу оҥоруу иһин – үс ыйга диэри болдьоххо суоппар бырааба быһыллар.

Бу киирэр уларыйыыларынан дьон-сэргэ санаата икки аҥы хайдыста — сорохтор бу миэрэлэр куттал суох буолуутун үрдэтэргэ наадалаахтар дииллэр, атыттар экэниэмикэ бигэтэ суох кэмигэр үрдүк ыстарааптар ыар сүгэһэр буолуохтара диэн сэрэтэллэр.

Эспиэрдэ суоппардарга саҥа быраабылалары болҕомтолоохтук үөрэтэргэ уонна суол быһылааныгар түбэспэт туһугар  тутуһалларыгар сүбэлииллэр.