Атырдьах ыйын 1 күнүттэн төрөппүт сөбүлэҥэ туохха наада буоларый?

Оҕолору түөкүттэртэн көмүскүүр ​​сыалтан, төрөппүттэрин уонна атын сокуоннай бэрэстэбиитэллэрин сөбүлэҥэ суох 14-тэн 18-гар диэри саастаах улаатан эрэр оҕолорго бааннар счет арыйаллара бобуллуоҕа.

Ол туһунан Госдуума ылыммыт сокуона иккис, үһүс ааҕыыларын ааста уонна 2025 сыл атырдьах ыйын 1 күнүттэн күүһүгэр киириэҕэ, диэн суруйар «Российская газета».

“Эспиэрдэр этэллэринэн, сокуоннай саастарын ситэ илик оҕолорго бэриллэр каарта сыл ахсын 20-25% улаатан иһэр. Ити көрдөрүү 14 саастаах оҕо бааҥҥа счет арыйаары уонна каарта оҥортороору гыннаҕына, дуогабары бэйэтэ түһэрсэр буолбутуттан таҕыста, диэн Госдуума бэрэссэдээтэлэ Вячеслав Володин бэлиэтээтэ.

Дьэ, манна кинилэри куттал кэтиир: түөкүттэр оҕо итэҕэлигэр киирэн, кэлин сокуону кэһэр сыалга туттуллуон сөп дебетовай каартаны ыларга күһэйэллэр. Манна дьонтон албыннаан ылбыт харчыларын кумааҕы харчыга кубулутуу эмиэ киирсэр. Ол түмүгэр, аҕыйах тыһыынча солкуобай манньа иһин оҕо каартатын нөҥүө түөкүттэр мөлүйүөнүнэн харчыны ыытан кэбиһэллэр.