Атырдьах ыйын 14 күнэ: ардах, инчэҕэй хаар уонна -1 кыраадыс

Бүгүн, атырдьах ыйын 14 күнүгэр, Саха сирин арҕаа, хотугулуу-илиҥҥи улуустарыгар, түүн киин улуустар илин өттүлэригэр, соҕуруу улуустарга быстах ардыыра, сорох сиринэн этиҥнээх ардах, сөкүүндэҕэ 15-17 миэтэрэ түргэннээх тыал түһэрэ күүтүллэр диэн УГМС иһитиннэрэр.

Бүгүн Арктика улуустарыгар инчэҕэй хаар түһүө диэн билгэлииллэр.

Түүн салгын температурата +8+13°С, халлаан халыннаҕына +3+8°С, хоту улуустарга, хайаларга -1°С буолуоҕа. Күнүс салгын температурата +17+22°С, соҕуруу улуустарга +22+27°С, хотугулуу-илиҥҥи улуустарга  +12+17°С, хоту +5+10°С буолара күүтүллэр.