Атырдьах ыйын 13 күнэ: этиҥнээх ардах, күүстээх тыал, күнүс +20°

Саха сиринээҕи Гидрометсулууспа синоптиктарын билгэлээһиннэринэн, бүгүн, атырдьах ыйын 13 күнүгэр, өрөспүүбүлүкэ арҕаа оройуоннарыгар күн-дьыл сөҥүүтэ суох буолуоҕа, оттон соҕуруу, хотугулуу-илин улуустарга быстах ардыыр, ардыгар этиҥнээх ардах түһэрэ күүтүллэр.

Эдьигээн, Кэбээйи оройуоннарыгар уонна этиҥнээх ардах кэмигэр тыал сөкүүндэҕэ 15-20 м. диэри күүһүрүө.

Салгын температурата түүн +9…+14°, арҕаа, Халымаҕа +6…+11°, хоту +1…+6°; күнүс +15…+20°, соҕуруу +19…+24°, хоту сорох сиринэн +5…+10° кыраадыс сылаас.

Дьокуускайга салгын температурата түүн +10…+12°, күнүс +16…+18° кыраадыс сылаас. Былыттаах, сөҥүүтэ суох, тыал хотугулуу-арҕааттан сөкүүндэҕэ 4-9 м. түргэннээх.