Хаартыска: Андрей Сорокин, ЯСИА
Атырдьах ыйын 15 күнүгэр өрөспүүбүлүкэ сорох улуустарыгар ардах уонна хаһыҥ түһэрэ сабаҕаланар. Бу туһунан Саха сиринээҕи Гидрометеосулууспа пресс-сулууспата иһитиннэрдэ.
Ол курдук, өрөспүүбүлүкэ хотугулуу-илин өттүгэр кыралаан ардыыр, сорох сиринэн самыырдыыр. Эрэгийиэн соҕуруу уонна соҕуруулуу-илин өттүгэр быстах ардах түһүөн сөп.
Сиккиэр тыаллаах, ол гынан баран сорох пууннарга тыал сөкүүндэҕэ 14 м. диэри күүһүрүөҕэ.
Салгын температурата +6…+11 °С диэри түһүөҕэ, Саха сирин киин өттүгэр халлаан сырдаатаҕына хаһыҥ түһэрэ күүтүллэр, оттон хотугулуу-арҕаа -2 °С диэри тымныйар.
Күнүс салгын температурата +14…+19 °С кыраадыска диэри сылыйыа, хоту +5…+10 °С, соҕуруулуу-арҕаа уонна соҕуруу +19…+24 °С диэри буолуоҕа.
Дьокуускайга, синоптиктар бэлиэтииллэринэн, сөҥүү түһэрэ күүтүллүбэт. Тыал сөкүүндэҕэ 9 м. диэри түргэннээх буолуоҕа. Салгын температурата түүн +5…+7 °С, оттон күнүс +18…+20 °С диэри сылыйыаҕа.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…