Атырдьах ыйын 19 күнэ: этиҥнээх ардах, тыал уонна -5 кыраадыс

Бүгүн, атырдьах ыйын 19 күнүгэр, Саха сирин хотугулуу-арҕаа, арҕаа уонна Арктика улуустарыгар кыралаан ардыаҕа, сорох сиринэн этиҥнээх ардах түһэрэ күүтүллэр диэн УГМС иһитиннэрэр.

Тыаллаах, этиҥнээх ардах түстэҕинэ сөкүүндэҕэ 15 миэтэрэҕэ тиийэ тыаллаах. Арктика кытылыгар  сөкүүндэҕэ 15-20  миэтэрэҕэ тиийэ тыалырыаҕа.

Түүн салгын температурата +5+10°С, арҕаа +10+15°С, хоту, хотугулуу-илин  0,+5°С, халлаан халыннаҕына  0,-5°С, күнүс +21+26°С, соҕуруулуу-арҕаа +25+30°С, хотугулуу-илин +16+21°С.