Атырдьах ыйын 2 күнэ: ардах, тоҥоруу уонна -3 кыраадыс

Бүгүн, атырдьах ыйын 2 күнүгэр, өрөспүүбүлүкэ сорох улуустарыгар ардыаҕа, тоҥоруу түһүөҕэ диэн Саха сиринээҕи УГМС иһитиннэрэр.

Халыма-Индигиир улуустарыгар сорох сиринэн быстах ардыаҕа, күнүс Арктика кытылын улуустарыгар, Өлөөҥҥө, Нерюнгрига, Алдан арҕаа өттүгэр уонна Өлүөхүмэ соҕуруу өттүгэр эмиэ быстах ардах түһэрэ күүтүллэр.

Салгын температурата түүн +3+8°С, хотугулуу-арҕаа, хоту улуустарга, Дьааҥыга халлаан халыннаҕына -3 кыраадыс буолуоҕа, тоҥоруу түһүөҕэ, күнүс үгүс улууска +16+21°С, соҕуруу, арҕаа +21+26°С, хотугулуу-илин, хоту +8+13°С буолара күүтүллэр.