Атырдьах ыйын 2 күнэ: этиҥнээх ардах, тыал уонна +28 кыраадыс

Бүгүн, атырдьах ыйын 2 күнүгэр, Саха сирин сорох улуустарыгар этиҥнээх ардах түһэрэ, тыалырара, итиэннэ +28 кыраадыс сылыйара күүтүллэр диэн УГМС иһитиннэрэр.

Уус Маайаҕа, Алдаҥҥа, Нерюнгрига, Өймөкөөҥҥө, Томпоҕо, Муомаҕа, Абыйга, Үөһээ Халымаҕа, Мииринэйгэ этиҥнээх ардах түһэрэ күүтүллэр, сорох сирдэринэн сөкүүндэҕэ 15-20 миэтэрэ түргэннээх тыаллаах.

Хотугулуу-илин, илин, соҕуруу, хотугулуу-арҕаа быстах ардыыра, сорох сирдэринэн этиҥнээх ардах түһэрэ сабаҕаланар.

Күнүс салгын температурата +23… +28 °С, ардах түстэҕинэ +18… +23 °С, хотугулуу-арҕаа +9… +14 °С буолуоҕа.