Атырдьах ыйын 19 күнэ: хаһыҥ, ардах, күнүс +26°

Саха сиринээҕи Гидрометеосулууспа саайтын дааннайынан, үгүс улуустарынан сөҥүүтэ суох.

Өймөкөөн улууһугар, ону таһынан соҕуруу, соҕуруулуу-илин сорох сирдэринэн кыралаан, сорох улуустарынан ардах түһэрэ күүтүллэр.

Сиккиэр тыаллаах, күнүс сорох сиринэн тыал сөкүүндэҕэ 9-14 м. диэри күүһүрүөҕэ.

Түүн салгын температурата +7…+12°, былыта суох буоллаҕына +1…+6°, хотугулуу-илин уонна хайалаах сирдэринэн 0…-3° диэри тымныйыа, хаһыҥ түһүөҕэ.

Күнүс салгын температурата +19…+24°, хотугулуу-арҕаа +26° кыраадыска диэри сылыйыа, Халымаҕа +14…+19°.

Дьокуускайга түүн салгын температурата +8…+10°, күнүс +21…+23° сылаас. Сөҥүүтэ суох, хотугулуу-арҕааттан сөкүүндэҕэ 3-8 м. түргэннээх тыаллаах.