Атырдьах ыйын 27 күнэ: быстах ардах, күнүс +28° С

Саха сиринээҕи Гидрометеосулууспа киинин саайта иһитиннэрбитинэн, өрөспүүбүлүкэ арҕаа, соҕуруу өттүгэр уонна күнүс киин улуустар арҕаа өттүлэригэр сорох сиринэн быстах ардахтыыр.

Ленскэй, Мииринэй, Өлүөхүмэ, Сунтаар, Ньурба, Бүлүү, Үөһээ Бүлүү улуустарыгар сорох сиринэн этиҥнээх ардах түһэрэ күүтүллэр. Этиҥнээх ардах кэмигэр тыал сөкүүндэҕэ 15-18 м. тиийэ күүһүрэр. Хоту байҕал кытылыгар сорох сиринэн силлиэ тыал сөкүүндэҕэ 9-14 м. диэри күүстээх.

Салгын температурата түүн +8…+13°, киин улуустарга халлаан былыта суох буоллаҕына +2…+7°, хотугулуу-илин хайалаах сирдэргэ -4…+1°.

Күнүс салгын температурата +23…+28°, ардах түстэҕинэ уонна хотугулуу-илин +15…+20° кыраадыс сылаас.

Дьокуускайга  сөҥүүтэ суох, сарсыарда сорох сиринэн туман түһүө. Тыал соҕуруулуу-илинтэн сөкүүндэҕэ 2-7 м. түргэннээх. Салгын температурата түүн +6…+8°, күнүс +24…+26° кыраадыс сылаас буолуо.