Атырдьах ыйын 31 күнэ: быстах ардах, туман, хаһыҥ, күнүс +25°С

Өрөспүүбүлүкэ үгүс улуустарынан бүгүн, атырдьах ыйын 31 күнүгэр, сөҥүүтэ суох, сылаас күн. Сорох сиринэн  быстах ардахтыыр, Алдан, Уус-Маайа, Өлүөхүмэ, Ленскэй, Усуйаана улуустарыгар, Индигиир, Халыма өрүстэр алын тардыыларыгар ардах түһэрэ күүтүллэр.

Сиккиэр тыаллаах, Арктика кытылыгар сорох сиринэн тыал сөкүүндэҕэ 9-14 миэтэрэҕэ диэри күүһүрүөҕэ.

Салгын температурата түүн +7..+12°, былыта суох буоллаҕынан уонна хотугулуу-арҕаа, хотугулуу-илин 0..+5°, хотугулуу-илин хайалаах уонна хотугулуу-арҕаа намыһах сирдэринэн -4° кыраадыска диэри тымныйар, хаһыҥ түһэр.

Күнүс +20..+25° кыраадыс сылаас, арҕаа, соҕуруу +17..+22°, хотугулуу-арҕаа, хотугулуу-илин +14..+19° кыраадыс.

Дьокуускайга салгын температурата түүн +8..+10°, күнүс +20..+22° кыраадыс сылаас. Сөҥүүтэ суох, сарсыарда сорох сиринэн туманнаах. Тыал соҕуруулуу-илинтэн сөкүүндэҕэ 4-9 миэтэрэ түргэннээх.